لندن تظاهورات ائله‌ينلري كي آموزش بودجه سي نين آزالماسي و شهريه لرين چوخالماسينا اعتيراض ائديرلر، قراردي باش وزيرليق و مجليس ساختيمانلاري نين قاياغيندان ردّ اولاندان سونرا، ليبرال دموكرات حيزبي نين مركزي دفتري قاباغينا ييغيشالار. بريتانيانين ضيدّ شوريش پوليسي ضيدّ دولتي تظاهوراتين اعلام اولماسيندان سونرا اينگيليسين موختليف شهرلرينده آماده باش حايلنه گليب.

 

خبر مركزي واحيدي نين لندندن وئرديگي گوزاريشه گؤره، ديلي ميرور روزنامه سي يازدي: ايگيرمي ميندن چوخ موحصّيل و دانيشجو تظاهوراتدا شيركت ائله ماق اوچون كيلاسلاري بوراخاجاقلار.

 

لندن تظاهورات ائله‌ينلري كي آموزش بودجه سي نين آزالماسي و شهريه لرين چوخالماسينا اعتيراض ائديرلر، قراردي باش وزيرليق و مجليس ساختيمانلاري نين قاياغيندان ردّ اولاندان سونرا، ليبرال دموكرات حيزبي نين مركزي دفتري قاباغينا ييغيشالار.

 

ضيدّ شوريش پوليسي ليبرال دموكرات حيزبي نين مسئوللارينا هوشدار وئريب كي آرتيق موراقيب اولسونلار و بو حيزبين رهبريندن ايسته ييب تا بويون چرخينن دفترينه گئتمه سين.

 

ليبرال دموكرات حيزبي كي موحافيظه كار حيزبي نن بيرليقدا، اينگيليسين دولتين تشكيل وئريبدي، سون سراسري اينتيخاباتدان قاباق دانيشگاهلارين شهريه لري نين چوخالماسي نن موخاليف ايدي آما ايندي شهريه لرين اوچ برابر اولماسيندا ديفاع ائدير.

 

سون نظرسنجيلره گؤره دانيشجولارين 75 درصدي بو اعتيقادداديلار كي بو حيزب اونلارين رأيلرينه خيانت ائديب. بو تظاهوراتين ترتيب وئرنلري موحصّيللردن و دانيشجولاردان ايسته ييبلر اؤزلري نن ماسك و مترسك گتيرسينلر تا بو تظاهورات بير كارناوال كيمي اولسون.

 

دانيشجولار يارالاندي

 

لندن پوليسي نين حمله سي اثرينده موعتريض دانيشجولارين بير عيدّه سي يارالاندي.

 

خبر مركزي واحيدي نين لندندن وئرديگي گوزاريشه گؤره، اينگيليس ضيدّ شوريش پوليسي چاليشدي مجليس و باش وزيرليق ساختيمانلاري نين دوره سي خيابانلاري باغلاماغينان تظاهورات ائدنلري داغيتسين. اينگيليس پوليسي نين تظاهورات ائلينلري‌نن ووروشماسي نتيجه‌سينده موعتريضلرين بير تعدادي يارالاندي.

 

اسكاي نيوز و بي بي سي كيمي اينگيليسين تيلويزيوني شبكه لري عادي برنامه لرين كسماغينان بويونون تظاهوراتين اينگيليسين شهرلرينده گؤرستديلر.