دوكتور منوچهر دوايي
اوشاقلار فوق تخصوصي، كئچن هفته سرطان آسيب شيناسي ييغينجاغيندا بو مطلبي اعلام
ائله ماغينان دئدي: سرطاناني قاباغين آلماق بيرينجي و ايكينجي سطحده لازيمدير و
ريسك يارالدان عاميللري آرادان آپارماق و كلان يئمك و رفتار سياستلرينه آرتيق
توجّه ائله ماق باعيث اولار تا سرطانين آغير يوكونو اؤلكه ميزده آزالداق. بو بير
حالدادير كي تئز تشخيص وئريب درمان ائتمك باعيث اولار هزينه لرده صرفه جويي اولسون
و اومودوموز وار جاميعه نين موختليف موديريتي سطحلري او جومله دن بهداشت ويزارتي،
علوم پزشكي دانيشكده لري و خانيواده لر پيشگيري يه آرتيق توجه ائليه لر.
بهداشت كارشيناسلاري
دئييرلر كي سرطان هر ايل، توسعه حاليندا اولان اؤلكه لرده ايدز، سئل يا مالاريادان
آرتيقراق جماعاتي اؤلدورور. سرطانين ياريدان چوخو و اونون اثرينده اؤلنلرين يوزه
60 توسعه حاليندا اولان اؤلكه لرده اوز وئريب؛ يعني ضعيف پزشكي زيربناسي اولان اؤلكه
لرده سرطان قطعي بير اؤلوم حؤكمودور.
«ديويد كر»، آكسفورد
دانيشگاهيندا باليني داروشناسي و سرطان درماني اوستادي كي بو گوزاريشين يازماسيندا
موشاريكت ائديب بو براه ده دئيير: توسعه حاليندا اولان اؤلكه لرده، سرطان چوخ واخت
گوزاريش وئريلمير، تشخيص وئريلمير و درمان اولمور.
توسعه حاليندا اولان
اؤلكه لرده سرطانا موبتلا اولانلارين ديري قالماق احتيمالي چوخ آزدير. آگاهليغين
اولماماسي بو معنايادير كي چوخلاري نوخوشلوقلاري علاجسيز اولمايينجا پزشكي درمان
داليسي جان گئتميرلر.
بو گوزاريشين
اساسيندا 2030 –جو ايله جن مومكوندو ايلده 20 ميليون تازا سرطان تشخيص وئريله و 13
ميليون اون اثرينده جانين الدن وئره.
آز و اورتا گليرلي
اؤلكه لرده 3 جور سرطان تئزراق تشخيص وئريلير؛ ريه سرطانلاري، معده و كبد كيشيلرده
و معده، گردن رحم و دؤش سرطانلاري خانيملاردا. آما بو اؤلكه لرده خطر معرضينده
اولانلارا آگاهليق وئرماغا لازيم اولان زيربنالار يوخدور.
ميثال اوچون توسعه
تاپميش اؤلكه لرده خانيملارين 63 درصدي گردن رحم سرطاني نين غربالگري سينه
دسترسيلري وار آما توسعه حاليندا اولان اؤلكه لرده بو رقم تكجه 19 درصد دير. تئز
تشخيص وئرمك اؤلومو داليه سالار.
كارشيناسلار
موعتقيدديلر كي سرطانلارين چوخونو تئز تشخيص وئرماغا ياخجي پيشرفتلر اولوب
آما بوننان بئله توسعه حاليندا اولان اؤلكه لريده هر 5 سرطاندان دؤردو تشخيص
وئريلمير تا پيشرفته مرحله سينه چاتير.
ايمام خميني (ره)
بيماريستاني نين سرطان انستيتوسي نين تحقيقات مركزي نين رئيسي اعلام ائله دي:اؤلكه
نين آخيرينجي آمارلارينا گؤره سرطان، كلان بهداشتي و درماني مسئله لرين رديفينده
قرار تاپيب و اورك نوخوشلوغو، حاديثه لردن سونرا اوچونجو اؤلوم عاميليدير.
ايندي معده سرطاني
آرتيق شايع اولوب و اؤلوم امارين لاب چوخونو اؤزونه ايختيصاص وئرير. معده سرطاني
چوخراق يوخاري ياشلاردا و زيندگانليغين آلتينجي و يئتميشينجي اون ايلليگينده گؤرسه
نر و چوخراق اؤلكه ميزين شومال و شومال غربينده گؤرونور. بوننان بئله كي 1930 دان
دونيادا معده سرطاني ني تلفاتي آزاليب، تأسوفله بو سرطان ايراندا چوخالماقدادير كي
آرتيق تحقيقه احتياجي وار.
دوخانيات، سيگار،
الكول مصرفي و يئمكلرده شيميايي آلاينده لرين اولماسي معده سرطاني نين وجودا
گتيرنلري دير. تازا موطاليعاتا اساساً، هلیکوباکترپیلوری و معده ياراسي بير بيرلري
نن ايرتيباطلاري وار آما اينديه جن خوش خيم معده ياراسي و معده سرطاني آراسيندا
موستقيم ايرتيباط موشاهيده اولماييب.
اؤلكه ده سرطانين
اصلي عاميلي و سرطان اثرينده اؤلوملرين يوزه قيرخ اوچو يئمك، سيگار و عوفونتلر
اثرينده دير. ريه سرطاني نين آقالاردا 80 درصد و خانيملاردا 45 درصدي سيگار
اثرينده دير.