عرب باشچیلاری بو بیانیه‎ده اسراییلین تجاوزونو محکوم ائدیب تاکید ائتدیلر: ایسراییل، فیلیسطینلیلر علیهینه تجاوزو، بیر آن اوّل دوردوروب غزّه‎نین بوتون گئچید یوللارینی آچمالیدیر.

بو بیانیه‎ده، گلیبدیر کی عرب باشچیلاری، آتش‏کس تثبیتی و غزّه محاصره‌سینین پوزولماسی، گئچید یوللارینین آچیلیشی، صهیونیست رئژیمینین نیظامیلارینی جنایتچی اولاراق تانینمالاری و بین‏المللی دادگاهلارا تاپشیریلمالارینی ایسته‎دیلر.

هابئله، بو بیانیه‎ده فیلیسطین میللتینین، غزّه‎ده، صهیونیست رئژیمینین قاباغینداکی قهرمانجا دایانیش و دیره‎نیشیندن حمایت اولونوب گلیبدیر کی عرب باشچیلاری، آتش‏کس تثبیتی و غزّه محاصره‌سینین پوزولماسی، گئچید یوللارینین آچیلیشی، صهیونیست رئژیمینین نیظامیلارینی جنایتچی اولاراق تانینمالاری و بین‏المللی دادگاهلارا تاپشیریلمالارینی ایسته‎دیلر.

عرب باشچیلاری، هم  ده، سودان دولتی ایله اؤز همبسته‎لیکلرینی بیلدیریب بین‎المللی کیفری دیوانین عؤمر البشیر علیهینه حؤکمو ایله مخالفتلرینی بیلدیریبدیرلر.

سوریه رییس جمهورو بشار اسد، دوحه جلسه‎سینده دئدی: صهیونیست رئژیمینین گؤستردییی «عرب صۆلحو طرحی»، بو رژیمین جنایتلرینی اؤرتوب باستیرما تاکتیکیدیر.

لوبنان رییس جمهورو  دا، صهیونیست رئژیمی قاباغیندا عربلرین بیرلییینه تاکید ائتدی.

میشل سلیمان، بوگونه قدر فیلیسطین میللتینین حاقلارینین تامینی اوچون اهمیتلی بیر  آتدیم آتیلمادیغیندان انتقاد ائدیب دئدی: ایسراییلین تهدیدلرینه گوره عرب اؤلکه‏لری آراسینداکی باریش و دوستلوق گرکدیر.

بیرلشمیش میللتلرین کل دبیری (دبیرکل سازمان ملل متحد) بانکی مون، گینه ده، غزّه‎نین محاصره‎سی و بیت‏المقدّس‎ده صهیونیست شهرکلرینین تیکیلمه‎سینه سون قویولماسینی ایسته‎دی.

بو گزارشه اساساً، قطر امیری، دوحه‏ده، «عرب اؤلکه‎لر باشچیلارینین ییرمی بیرینجی جلسه‎سی»نین سونوندا، گلن جلسه‎نین بغداددا قورولاجاغینی بیلدیردی.