جزیره‎یی اسلامی: اورمیه گؤلونون شرقی ساحیلینده‎دیر.  وحشی حیاتین  چوخ گوجلو  یاشام‎یئری (زیستگاه) و میللی پارکلا رابیطه‎ده اولدوغو، اورمیه گؤلونه، خاص بیر زیست‎محیطی اهمیت وئریبدیر.

قوروگؤل: تبریزین غربینین 40 کیلومئتیرلییینده یئر آلیر. یاشام‎یئری (زیستگاه) شرطلری باخیمیندان سو قوشلاری خصوصاً آغباش اؤرده‏یی (اردک سرسفید) اوچون چوخ اویغوندور (مناسبدیر).

قاراقیشلاق گؤلجویو (تالاب): قاراقیشلاق گؤللۆک منطقه‎سی اورمیه گؤلونون جنوبشرقی یانیندا یئرلشمکده‎دیر. خاص طبیعی شرطلره گؤره، سو قوشلاری و میش‎مرغ کیمی سوقیراغی و اوت اوتلایان قوشلار اوچون چوخ اویغون بیر یاشام‌یئریدیر. بو گؤلجوک (تالاب)، بین‏المللی بیر گؤلجوک اولاراق بیلینیبدیر.

کیامکی وحشی حیات پناهگاهی: کیامکی وحشی حیات پناهگاهی، 84 مین هئکتار مساحت و 700 مئتیر دریا یوزئییندن اوجالیغی ایله آراز چایی قیراغیندان مرند شهریستانینین کیامکی داغلیغینین 3347 مئتیرلییینه قدر چکیلیر.

ارسباران قوروق منطقه‎سی: ارسباران قوروق منطقه‎سی، 72 مین هئکتار گئنیشلییی ایلهکلئیبر شهرستانیندا، آراز چایینین جنوبی قیراقلاریندا یئرلشیبدیر. یونئسکودا بیوسفئر ذخیره مکانی اولارق ثبت اولونوبدور و بیتکیسل (گیاهی) و حئیوانی اهمیتی واردیر.

فرهنگی میراثلار سایتی