آيت اللَّه حاج شيخ محمدعلي حقّي سرابي 1307 هجری شمسی ایلینده
سراب شهرینده دونیایا گؤز آچدی. او اسلامی علملری مقدمات و عالی سطحلرینده تبریزده و قم شهرینده باشا
وئرندن سونرا نجفه یوللانیب آیات عظام سید ابوالقاسم خویی و محسن حکیم کیمی
عالملرین محضریندن فیض آپاردی. سونرالار سيد ابوالقاسم خويي و سيد محمد حجت كوه
كمرهاي کیمی بؤیوک عالملریدن اجتهاد اجازه‌سی آلیب قم شهرینده تدریس و تألیفه باش
قوشدو. او تهرانین امام حسین (ع) مسجدی‌نین کناریندا علمیه حوزه‌سی بناسین قویدو و
اوردان ضد پهلوی حرکتلرینی رهبرلیق ائلیردی.
انقلابدان سونرا او دیوان عالی شعبه‌لری‌نین بیرینده رئیس اولدو و
هابئله سراب جماعتی طرفیندن اسلامی شورا مجلسی و خبرگان مجلسینه سئچیلدی. اوندان
قالان آثاردان بونلاری آد آپارماق اولار:
رسالةٌ في العدالة، رسالةٌ في اِعجازِ القُرآن، افتتاح دعاسی‌نین
شرحی و قرآنین بعضی سوره‌لری‌نین تفسیری 4 جلدده.
بو ربانی عالم 1377 ایلی‌نین دی آیی‌نین 25-ده 70 یاشیندا ایکن قم
شهرینده دونیایا گؤز یومدو و شیخان قبرستانیندا قویلاندی.