ایران اسلام انقلابی،
غرب وجودونا آغیر ضربه ووروب اونون قدرت تمل‌لرینی ضعیف‌لشدیردی. آمّا ایران‌ین
مسلمان خالقینین ایمان، مجاهدت و دایانیشی و امام خمینی‌نین تایسیز رهبرلییی،
غربلی‌لرین مقدّس اسلام جمهوریتی نظامی‌نی براندازلیق سوء-قصدینی بوشا چیخاردی.
غیرتلی بیر ملّت ایله مواجهه‌ده ایستک‌لرینه چاتا بیلمه‌ین غرب، بونون علّتینی
اسلام و اونون مترقّی اؤیرتیم‌لری بیلدییی اوچون، مسلمان خالقینین، خصوصییله ده
ایران خالقینین مقاومت روحونون قایناغی اولان اسلاما حمله ائتمه‌یه چالیشدی.
یازاری «سلمان رشدی»
اولوب یاییلان «شیطانی آیت‌لر» کیتابی او توطئه‌لردن بیریسی ایدی. بو کیتاب،
مسلمان‌لارین اعتقاد و ایمان تمل‌لرینه حمله ائدیب اسلام مقدساتینی تمسخر، استهزا
و توهینه توتوب قرآن و حضرت رسول اکرمه (ص) اهانت ائدیب خیاللرله دین و مذهب تمل‌لرینی،
اسلام انقلابی‌نین نفوذ زمینه‌لرینی و اسلامی کیملییه دؤنومو اسلامی اجتماع‌لاردا
دایاندیرماق ایسته‌ییردی.
بو کیتابین توزیع
الونماسی دونیا مسلمان‌لارینی هیرسلندیردی. 1367-نین مهر آییندا هند و پاکستان
مسلمان‌لاری، اصلی هندلی اولوب انگلستان تبعه‌سی اولان سلمان رشدی علیهینه تظاهرات
ائدیب «شیطانی آیت‌لر» کیتابینین یاییلماسیندان نفرت‌لرینی بیلدیردی‌لر.
حضرت امام خمینی –
آیدین گؤروشلو، آیدین‌لادیجی و شجاعانه رهبرلییی سایه‌سینده – کیتابی یازیب
یایانلارین اعدام و مهدور الدّم‌لییی حؤکمونو صادر ائدیب استکبار دونیاسینین فتنه‌سینی
اؤزلرنه قایتاردی.
سلمان رشدی حؤکمون صادر اولدوغو آندان گیزلندی و
اسکاتلندیارد پلیسی یوخاری هزینه‌لر ایله اونون حفاظتینی عهده‌سینه آلدی.
بسمه تعالی
انّا لله و انّا الیه
راجعون
بوتون دونیا مسلمانلارینا
بیلدیریرم کی اسلام، پیغمبر و قرآن علیهینه دوزنله‌نن «شیطانی آیت‌لر» کیتابینین
یازاری هابئله محتواسینی بیلن یایینلایان‌لار اعداما محکوم‌دورلار. غیرتلی مسلمان‌لاردان
ایسته‌ییرم کی اونلاری هارادا تاپسالار اؤلدورسون‌لر. هابئله کیتابین یازارینا الی
چاتان آنجاق اونو اعدام ائده بیلمه‌ین کیمسه اونو خالقا تانیتسین کی عمل‌لرینین
مکافاتینا یئتیریلسین.
روح الله الموسوی
الخمینی
29 بهمن 1367/ 11 رجب
1409
The Satanic Verses
Salman Rushdie
Published in 1989 by Viking Penguin Inc.
549 pages
«شیطانی آیت‌لر» کیتابینی الک دفعه پنگوئن 1988-ده چاپ
ائتدی. Midnight`s Children (گئجه یاریسی
اوشاقلاری)، Shame
(اوتانج) و Grimus آدلی اوچ داستانی و «نیکاراگوئه سفرنامه‌سی» آدلی بیر
غیر داستانی اثرلر اصلی هندلی اولوب لندن‌ده یاشایان یازارین کارنامه‌سینده ایدی.
«شیطانی آیت‌لر» 547
صحیفه‌ده اوزون بیر داستان‌دیر. بلکه ساختی-یاپیسی مدرن اولان بو داستانی جنوبی
آمرکانین سئحیرلی رئالیزمینین بیر جور شرقی یانسیلاماسی (گرته‌برداری) آدلاندیرا بیلریک.