معظم انقلاب رهبری،افراطی و تکفیری جریانلار جهانی کنگره‌‌سی‌نین
قوناقلاری جمعینده دئدی: تکفیری گروهلار و اونلاری حمایت ائله‌ین حکومتلر،
استکبارا ایشلیرلر.
معظم انقلاب رهبری حضرت آيت‌الله خامنه‌اي، «اسلامی عالملر باخیشیندان تکفیری
جریانلار جهانی کنگره»سینده عالملر و قوناقلارین گؤروشونده، اخیر ایللرده تکفیری
جریانین دیریلمه‌سینی استکبارین اسلام دنیاسینا یاراتدیغی مشکل بیلیب، خبیث
تکفیری جریانین آمریکا، استعماری دولتلر و اسرائیلین هدفلری مسیرینده ائله‌دیغی اقداملارا
مخصوصاً مسجد الاقصی و فلسطین مسأله‌سی‌نین یاددان چیخارتماسینا چالیشماغا اشاره ائله‌ماغینان تأکید
ائله‌دی:
تکفیری جریانینی ریشه‌دن قوروتماغا، منطقلی و علمی نهضتی یولا سالماق و استکبارین
بو زمینه‌دهکی سیاسیتلرینه آگاهلیق گتیرماق، اسلام دنیاسی عالملری‌نین لاپ مهم و
اساسلی وظیفه‌لریندن ساییلیر.
حضرت آیت‌الله خامنه‌ای آرتیردیلار: مسلمانلارین بو منطقه‌ده‌کی بیرینجی
مبارزه خطی اشغال اولونموش فلسطین ایدی، آما تکفیری جریانلار بو بیرینجی خطی
دَییشیب، عراق، سوریه، پاکستان و لیبی کیمی اؤلکه‌لرین
خیابانلارینا چکدیلر و بو، تکفیری جریانین یاددان چیخمایان جنایتلریندن ساییلیر.