آیت الله سید
مصطفی محقق داماد دنیا کاتولیک مسیحی‌لری‌نین رهبری پاپ فرانسیس اینن واتیکاندا گؤروشوب دانیشدی. بو
گؤروش «مؤمنلرین جامعه‌ده‌کی تربیتی نقشی» موضوعسوندا مسلمان و مسیحی عالملری‌نین اوچونجو اجلاسی چرچیوه‌سینده و کاردینان تورانین دعوتی اینن اولدو.
حوزه آژانسی‌نین وئردغی خبره گؤره، واشینگتونون بؤیوک اسقفو کاردینال
توران، امیر حسین بن طلال اردن شهرینده بین الادیان مطالعه‌لر مؤسسه‌سی‌نین هیأت امنا رییسی، لبنانین سابق مفتیسی شیخ محمد رشید قبانی
و بیت المقدس، مالزی، اندوزی، الجزایر و انگلستانین کلیسا اسقفلاری حاضر اولان بو
اجلاسدا، پاپ فرانسیس پاپ فرانسیس قوناقلارا خوش گلدین دئماق ضمنینده آیت الله
محقق دامادا خطاباً دئدی: من سیزین علمی سابقه‌زینن تانیشام و سیزین و سایر دینی رهبرلرین تأثیرلی حضورو
اینن جمعی چالیشما سایه‌سینده هدفلریمیزه
یاخینلاشماغا اومودوم وار.
پاپ آرتیردی:
مقصده چاتماغا چتین یول قاباغیمیزدا وار آما بو یولون هامار اولماسینا دعا ائله‌مه‌لی‌یوق.
بو اجلاسدا مدرسه‌لرده و دانشگاهلاردا مناسب تعلیم یوللاری اینن دینی معارفی
و معنویاتی جوان نسله انتقال وئرماغین ضروری اولماسینا تأکید اولدو.