آیةالله کوه کمره‌ای بؤیوک شیعه عالملریندندیر کی تحصیلاتین نجف اشرفده قورتاراندان سونرا تبریزه قاییتدی. اونون نجفدن چیخماسی چوخ عظمتلی صورتده اوستادی آیةالله شربیانی‌نین طرفیندن بدرقه اولدو و طلبه‌لرین چوخو اونو نجفدن کوفه‌یه‌جن مشایعت ائله‌دیلر.
وطنه داخل اولاندا تبریز جماعتی طرفیندن استقبال اولوندو و دینی خدمتلره باشلادی. او دین یولوندا چوخلی خدمتلر ائله‌دی. آیةالله کوه کمره‌ای هجری قمری ایلین 1310-جو ایلینده علم و دین مرکزی تبریز شهرینده دنیایا گلدی. اونون تباری 25 واسطه اینن امام سجادا (ع) یئتیشیر.
اونلاری تحصیلاتلارنیی آذربایجاندا و سونرا نجف اشرفده باشا چاتدیردیلار و چوخ تئز اجتهاد درجه‌سینه نایل اولدولار. اونون اوستادلاریندان محترم آتاسی سید علی کوه کمره‌ای، سید حسن صدر، ابو تراب خوانساری و شیخ عبدالله مامقانی‌دان آد آپارماق اولار.
اونون شاگردلریندن سید محمد حسین طباطبائی. شیخ ابراهیم مراغه‌ای، سید ابراهیم علوی مقبره‌ای، میرزا ابوطالب تجلیل تبریزی، آسید یوسف مزلقانی، سید ابوالقاسم تهرانی، شیخ نصرت تبریزی میانجی، ابوالمجد بروجردی، آقا معتمد کرمانشاهی، شیخ احمد عراقی، حاج سید مرتضی ایروانی، احمد قمی، شیخ اسحق قفقازی، شیخ اسداللّه کاشانی و سید اسداللّه ده خرقانی‌دن آد آپارماق اولار.
بو بؤیوک فقیهین، الاستصحاب. البیع، تنقیح المطالب المهمه فی عمل الصور المجسمه، جامع الاحادیث و الاصول، حاشیه الکفایه فی الاصول، الصلوه، لوامع الانوار الفردیه فی مرسلات الآثار النبویه، مستدرک المستدرک فی استدراک مافات عن صاحب المستدرک، الوقف کیمی ارزشلی کتابلاری و تألیفاتی وار. بو کرامتلی انسان قمداکی حجتیه مدرسه‌سینی اؤز طراحلیق و مهندس‌لیغی اینن احداث ائله‌دی. بو مدرسه هله‌ده طلبه‌لر طرفیندن استفاده اولونور.