همشهری آنلاین: انگلیس و ایرانین رابطه‌لری اسفندین اوّلیندن مستقیم صورتده تازادان باشلاندی. خارجه وزارتین آمریکا و اروپا معاونی، مجید تخت روانچی، ایسنایا دئدی:
اسفندین اوّلیندن انگلیس و ایرانین رابطه‌سی غیر مقیم کاردار سطحینده و حافظ منافع اولمادان، باشدان باشلاندی.
او آرتیردی: حافظ منافع دفترلری‌نین باغلانماسی اینن ایکی اؤلکه‌نین رابطه‌سی‌نین مسئولیّتی غیر مقیم کاردارلارا تاپیشیریلدی.
روانچی دئدی: انگلیس و ایران پرچملری اسفندین اوّلیندن بو اؤلکه‌لرین سفارتخانالاریندا اسماغا باشلایاجاق.
1390-جی ایلین آذر آیی‌نین 8-ده بیر عدّه معترضین، انگلیسین تهرانداکی سفارتینه داخل اولدوغوندان سونرا انگلیس بیر طرفلی اولاراق رابطه‌لری قطع ائله‌دی. اوندان سونرا بو اؤلکه‌نین دولتی، دیپلوماتلارینی ایراندان خارج ائله‌ماغیندان خبر وئردی و ایرانلی دیپلوماتلاردان 48 ساعت ایچینده انگلستانی ترک ائله‌ماقلارینی ایسته‌دی.
ایکی اؤلکه‌نین سفارتی باغلاناندان سونرا، سوئدین تهرانداکی سفارتی، انگلستانین حافظ منافعی، و مقابلده عمانین لندن‌ده‌کی سفارتی ایرانین حافظ منافعی اولدو.
ایرانین تازا دولتی ایش اوستونه گلندن سونرا انگلستانین نخست وزیری روحانی‌یه تبریک نامه ضمنینده رابطه‌لرین یوکسلمه‌سینه علاقه‌سینی بیلدیردی. اوندان سونرا ایکی اؤلکه‌نین خارجی ایشلر وزیرلری، محمد جواد ظریف و ویلیام هیگ، سازمان مللین عمومی مجمعینده گؤروشوب اؤز معاونلرینی بو مسأله‌یه مأمور ائله‌دیلر.