نجف و قم علمیه حوزه‌لری‌نین مشهور عالملریندن آیت الله میرزه کاظم تبریزی 1299 هجری شمسی ایلینده تبریزده دنیایا گلدی. اومقدمات و سطحی اوخویاندان سونرا21 یاشیندا نجفه کؤچوب آیات عظام شيخ موسي خوانساري، شيخ محمدرضا آل‏ياسين و سيدمحسن حكيم کیمی بؤیوک عالملرین محضرندن فایدالار آپاردی.

آیت الله تبریزی 20 ایل بویوندا آیت الله سید ابوالقاسم خویی‌نین فقه، اصول، رجال و تفسیر کلاسلاریندان بهره آپاریب اونون لاپ یوخاری شاگردلریندن ساییلدی. آیت الله تبریزی تحصیل اینن عین زماندا عالی سطحین تدریسینی‌ده عهده‌سینه آلمیشدی و نهایتده 1349-جو ایلینده قم شهرینه گلیب حوزه‌نین یوخاری سطحده اولان مجلسلری‌نین بیرین تشکیل وئردی. آیت الله تبریز مختلف علملره او جمله‌دن فقه، اصول، حديث، رجال، تفسير، تاريخ، ادبيات، رياضيات، هيئت، هندسه، كلام، فلسفه و منطق علملرینه کامل تسلطّی واریدی و فرانسه و انگلیس دیللره‌نه تانیشیدی. او، اونلارجا کتاب یازمیشدی کی عروةالوثقی شرحی 150 جلدده، القواعد الفقهيه 50 جلدده، تطبيقاتُ الوسايل 20 جلدده، الاصول الجديده 10 جلدده اونلارداندیر. بو بؤیوک عالم 1374-جو ایلینده 75 یاشیندا قم شهرینده دنیاسینی دَییشیب قم دا دفن اولدو.