همشهری آنلاین: روسیه‌نین خاریجی ایشلری‌نین
«توییتر»ده کی صفحه‌سینده گلیر: غربی خبرگوزاریلرین بیر تعدادی روسیه‌نین خاریجی
ایشلر وزیری سرگئی لاوروفون تهرانداکی دانیشیقلارین غلط ترجومه ائدیب تحریف ائله‌دیلر.
روسیه‌نین خاریجی ایشلر ویزارتی توضیح
وئردی کی «غربی خبرگوزاریلرین بیر تعدادی گوزاریش وئردیلر کی دئیه‌سن سرگئی لاوروف
آمریکانی موتهم ائدیب کی سوریه‌نین اپوزیسیونونا دمشق مقاملاری‌نین علئهینه
ایستیفاده ائله‌ماق اوچون اسلحه وئریر.»
ریا نووستی‌نین گوزاریشینه گؤره, حقیقتده
روسیه‌نین خاریجی ایشلر وزیری سرگئی لاوروف دئییب کی: «بیز سوریه‌یه و یا آیری
اؤلکه‌یه اسلحه گؤندرمیروق کی سیلاحسیز تظاهور ائدنلرین علئهینه ایستیفاده ائله‌سین.
آمریکانین ترسینه کی همیشه بوجور وساییل منطقه‌یه گؤنده‌ریر و او جومله‌دن نئچه
مودّت قاباق بوجور وسایی خلیج فارس اؤلکه‌لرین بیرینه تحویل وئرمیشدی. آما بللی
دئییل نیه آمریکالیلار بو ایشی عادی بیلیرلر.»
بئله‌لیغینان لاوروف آمریکانین خاریجی
ایشلر وزیری هیلاری کلینتونون بیانیه‌سینی تفسیر ائله‌ییب کی روسیه‌نین سوریه‌یه
نیظامی هلیکوپتر وئرماغا موتهم ائلیردی.