ابوالحسن بهمنیار بن مرزبان (اؤلوم: 446
هیجری شمسی ایلی) آذربایجانلی ایرانلی دانیشمند ایدی کی دؤردونجو عصرین آخیرلرینده
و بئشینجی عصرین اوّل‌لرینده یاشامیشدیر. او ابن‌سینانین آدلیم شاگیردلریندن‌ایدی
و ابن‌سینانین «المباحثات» کیتابی‌نین چوخ بؤلوملری اونون سوآل‌لاری‌نین جوابیدیر.
اونون اثرلریندن «التحصیل» یا «التحصیلات»دیر کی اونو اؤز دایی‌سی «ابومنصور بهرام
بن خورشید بن یزدیار» آدینا یازمیشدیر. او بو کیتابی یازماقدا اوستادی ابن‌سینانین
رویشیندن ایستیفاده ائدیب. بهمنیارین بو اثری بئشینجی و آلتینجی عصرین موهوم فلسفی
اثرلریندن ساییلیردی. اونون آیری اثرلریندن «رسالة فی مراتب الموجودات» و «فی
موضوع المعروف بما بعدالطبیعة»-دن آد آپارماق اولار کی هر ایکیسی‌ده آلمانی دیلینه
ترجومه اولوبلار.