دانماركلي مقاملار اعلام ائله‌ديلر بير تروريستي حمله‌نين
قاباغين آليبلار.
اتريشلي «او ار اف» خبر شبكه‌سي گوزاريش وئردي: دانمارك
پوليسي (PET) اعلام ائله‌دي اصليتلري سوماليا‌لي اولان ايكي دانماركلي قارداشي
«تروريستي ايقدام» ايتهامينا توتوب.
بو 18 و 23 ياشلي قارداشلار دونن توتولوبلار. اونلارين بيري
«آرهوس»دا كي ائوينده و او بيري كپنهاك فرودگاهيندا توتولوب. دانماركين گيزلي
پوليسي اعلام ائله‌دي كي بو افرادين توتماسي ايله قطعي تروريستي ايقدامين قاباغي
آلينيب. بونونلا بئيله پوليس دئمه‌دي كي بو تروريستي ايقدامين هدفي نه ايدي.
پوليس دئدي بو ايكي قارداش حمله اوچون تسليحاتدان ايستيفاده
ائله‌ماغين نئجه‌ليغيندان دانيشميشديلار. بونلارين بيري‌نين سومالي‌دا الشباب ياري‌نيظاميلارين
آموزشي اوردوگاهلاريندا آموزش گؤرمه احتيمالي وار.
پوليس بو افرادي توتماق اوچون آرهوسدا ايكي ائوي تفتيش
ائديب. هر ايكي مظنون 16 ايلدير كي بو شهرين اطرافيندا ياشاييرلار. قراردي اونلار
بويون دادگاهدا قاضي قاباغينا چيخالار.