«نيكلاي بارديوژا»، دسته جمعي امنيت
پيمان سازماني‌نين دبير كولي اعلام ائله‌دي، مسكو بو منطقه پيمانين بانيسي كيمي
ناتونون اوروپادا كي موشكي پدافندين ايستيقرارينا جواب وئرير. بارديوژا بير
مطبوعات كونفرانسيندا دئدي: شرقي اوروپا اؤلكه‌لرينده موشكي پدافندين ايستيقراري
موجود قودرتلرين دنگه‌سي‌نين پوزولماسينا سبب اولاجاق و بين‌الميللي عرصه‌ده
ايختيلاف يارالداجاق. ناتونون دبير كولي راسموسنين سؤزلري كي دئييب آمريكانين
ديفاعي موشكلرين اوروپادا ايستيقراري‌نين بيرينجي مرحله‌سي باشا چاتيب، روسلارين
اعتيراضينا سبب اولوب. او تأكيد ائله‌دي: اوست-اوسته روسيه مرزلرينده اوچونجو
اؤلكه‌‌لرين نيظامي و ديفاعي ساخت و سازلاري، منفي اثري اولاجاق. او ايدامه وئردي:
بوگون بير حالداكي دونياني كولي سيستمي بوتون بوعدلاردا و كيفي جهتدن دگيشماقدادي،
گرك فايدالي و موثبت يوللارا قدم قوياق و گركمز كي بير طرفلي تصميملريله تكجه اؤز
امنيتيميزه فيكيرله‌شاق و سونرا موقابيل طرفي فقط كلمه‌لرينن قانع ائله‌ماغا
چاليشاق.
او بو سوآلا جواب وئرماغينان كي آيا دسته
جمعي امنيت پيمان سازماني ناتونون ايقداملارينا جواب وئره‌جاق يا يوخ، دئدي: من
روسيه‌نين جومهور رييسي‌نين سؤزلريني سيزين ياديزا ساليرام، كي روسيه دسته جمعي
امنيت پيمان سازمانين تشكيل وئرن اؤلكه كيمي مجبور اولاجاق ديفاعي سيستم يارالدا
و يا ناتونون موشكي ديفاعسينا پيشگيرانه حمله ائليه.