راشاتودي: ايران‌اينان چالماق غربي، چين و روسيه‌اينن
ووروشماغا ياخينلادار
راشاتودي غربي موتحيدلره بير آشكار هوشداردا توصيه ائله‌دي
ايراني عراق و افغانستانينان دگيشيك سالماسينلار كي بو اؤلكه‌يه حمله اولسا
اوچونجو دونيا ساواشي يولا توشر.
فارسين گوزاريشينه گؤره، راشاتودي بير گوزاريش ضيمنينده كي
اوندا غرب اؤلكه‌لري و اونلارين موتحيدلري‌نين 2011-جي ميلادي ايلينده‌كي
رفتارلارينا ايختيصاص وئرميشدي، هوشدار وئردي ايران‌اينان چالماق غربي، چين و
روسيه‌اينن ووروشماغا ياخينلادار.
بو روس خبري شبكه بونو يادا سالماغينان كي 2011-جي ايل
آمريكا، انگلستان، فرانسه و صهيونيستي ايشغالچي رژيمين، خاورميانه و آفريقا
شوماليندا گؤيدن گئتمه و خيال‌پردازليق ايلي‌ايدي، آرتيردي: ايران و سوريه‌يه حمله
ائله‌ماق تهديديني بير تازا خبر بيلمك اولماز. غرب چوخداندي بو تهديدلري ائلير،
مخصوصاً اسرائيلين 2006-جي ايلينده لبنانين جنوبونا حمله‌سيندن سونرا كي او حمله‌ده
حزب‌اللهين الي‌اينن تار و مار اولدورلار.
راشاتودي غربين ايرانلا چاليشماسي‌نين اوزانماسينا تأكيد
ائديب يازدي: اسرائيل، انگليس و آمريكالي برنامه تؤكنلري آخماق دئييل‌لر و بيليرلر
كي ايرانينان درگير اولماق عراق، پاكستان، افغانستان و ليبي كيمي اولماياجاق.
ايران‌اينان چالماق چوخ خطرلي صورتده غربي، چين و روسيه‌اينن ووروشماغا
ياخينلادار. بيز اونلارين يئرينه اولسايديق هئچ واقت بو ايشي گؤرمزدوق. مگر بو كي
غرب «اوچونجو دونيا ساواشين سالماق» قصدينده اولا.
بو گوزاريشه گؤره، غرب بونا خاطير جنگ و ساواش سالماغا
چاليشير كي بيلير «غربين نظرينده اولان جهاني دؤلت» صولح يولي‌اينن قورولميه‌جاق.
راشاتودي آرتيردي: «هرمز» تنگه‌سينده هر شئي خطرليدير.
ايرانلي‌لار بوندان سونرا كي دفعه‌لرله حمله اولماغا حتّي اتومي حمله‌يه تهديد
اولوبلار، ايندي اؤز قودرتلرين گؤرسه‌ديرلر. آمريكانين منطقه‌ده طياره داشيان
گميسي وار كي اونون هلكوپترلري ايران مانور وئرن منطقه‌يه چوخ ياخينلاشيرلار. هر
جور حسابلانماميش ايش اوز به اوز گلماغا مونجر اولا بيلر.