همشهري آنلاين: آمريكا و ال‌بيرلري «رم»
گؤروشونده جمهوري ايسلامي ايراني آرتيق تحريم ائله‌ماغي ضرورتينه تأكيد ائله‌ديلر.
بو ييغينجاقدا كي باغلي قاپيلار
داليسيندا و عملده گيزلي صورتده ايتاليانين ائو صاحيبليغي‌اينن بو اؤلكه‌نين
خاريجي ايشلر ويزارتينده قورولدو، 11 آمريكا، ایتالیا، فرانسه،انگلیس، المان،
ژاپن، کانادا، جنوبی کره ، استرالیا، سعودی عربستان و عربي امارتلر بيرليغي اؤلكه‌لري‌‌نين
ديپلومات و كارشيناسلاري‌نين حضوري واريدي.
ايتاليانين خاريجي ايشلر ويزارتيندن بير
خبرلي منبع ايران صدا و سيماسي خبرنيگاري‌اينن دانيشيقدا بونو اعلام ائله‌ماغينان
كي بو ييغينجاق سه‌شنبه گونو اؤز ايشيني قورتاردي، دئدي: «رم» ييغينجاغيندا
اولانلار جمهوري ايسلامي ايراني هسته‌اي مسأله‌لر باره‌سينده غرب‌اينن دانيشماغا
موتقاعيد ائله‌ماغا خاطير بو اؤلكه‌نين علئيهينه سياسي و ايقتيصادي تحريملرين
آرتماسي ضرورتينه تأكيد ائله‌ديلر.
ايتاليانين بو خاريجي ايشلر ويزارتي
منبعي‌نين دئديگينه گؤره، بو ييغينجاقدا اولانلار هابئله ايراندان ايسته‌ديلر تا
ميلل موتحيد سازماني‌نين، اونون هسته‌اي مسأله‌لرينه گؤره وئرديغي قطعنامه‌لره
احتيرام قويا و بين‌الميللي اتومي انرژي آژانسي‌اينن همكارليق ائده.
بو گؤروشده هابئله ايران حمل و نقلي و
نفتي‌نين نئجه تحريم اولونا بيلمه‌سي آراشديريلدي.
بو منبع بونو دئماغينان
كي بو ييغينجاق فني سطحده و آمريكانين يوخاري مقاملاري اولمادان قورولدو، دئدي:
«رم» گؤروشونون تصميملري گله‌جكده اوروپا بيرليغي خاريجي ايشلر وزيرلري‌نين
قوراجاقلاري جلسه‌نين تصميملرينه زمينه حاضيرلاياجاق.