روسيه‌نين انرژي وزيري ايران علئيهينه اولان تحرميلري سياسي
آدلانديريب دئدي: روسيه ايرانين احتيمالي تحرملرينه قوشولميه‌جك.
روسيه‌نين انرژي وزيري
سرگئی شماتکو اعلام ائله‌دي: روسيه، ايران نفتي‌نين تحريم ائله‌ماغا اوروپا
بيرليغينا قوشولميه‌جك. روسيه مقاملاري بئله اينانيرلار كي بو تحريملرين سياسي
ريشه‌سي وار.
فارسين پرس‌تي‌وي‌دن نقل اولان گوزاريشينه گؤره، روسيه
اعلام ائله‌دي ايرانين نفتين تحريم ائله‌ماغا اوروپا بيرليغينا قوشولميه‌جك. روسيه
بو تحريملرين دليل‌لرين سياسي بيلير.
قطرين دوحه‌سينده اولان جهاني نفت كونگيره‌سي‌نين حاشيه‌سينده،
روسيه‌نين انرژي وزيري اعلام ائله‌دي روسيه‌نين بو تحريمه قوشولماسينا احتياج
يوخدور چون كي روسيه اصلاً ايراندان نفت آلمير.
كاميلاً بللي‌دير كي بو تصميم سياسي مسأله‌لره خاطيردير. بو
وضعيتده روسيه باشارديغي قدر طرفسيز قالاجاق.
"سرگئی شماتکو" روسيه‌نين انرژي وزيري دئدي: مسكو
قاباقكي كيمي بونو ايستير كي ايرانين «هسته‌اي سيلاح دوزلتمه» ايتهامينا آيري
محكمه‌ده مثلاً سازيمان ميللين امنيت شوراسيندا يئتيشيلسين.
ابراهیم الابراهیم قطر اميري‌نين ايقتيصادي موشاويري‌‌ده بو
ايجلاسين حاشيه‌سينده دئدي: ايران نفتي‌نين اوروپا بيرليغي طرفيندن تحريم اولماسي
نفتين دونيا بازارينا ضرر ووراجاق.
ابراهيم آرتيردي: ايرانين تحريمي دونيا انرژي‌سي، نفت
ساتانلار و ايشله‌دنلرين ضررينه اولاجاق. انرژي، گركمز سياسي مقصدلر اوچون
ايستيفاده اولونسون.
آمريكا، انگليس و كانادا نوامبرين ايگيرمي بيرينده ايرانين
انرژي و مالي بؤلوملرينه نئچه طرفلي تحريملر اعمال ائله‌ديلر. اوروپا بيرليغي‌نين
خاريجي ايشلر وزيرلري‌ده دسامبرين بيرينده 180 نفر و شيركتين علئهينه تازا تحريملر
اعمال ائله‌ديلر.
بو حالدا، "ارسلان فتحی پور"، ايران مجليسي‌نين ايقتيصادي كوميته‌سي‌نين
رييسي هوشدار وئردي كي ايرانين انرژي بؤلومونه، نفتي تحريملر اولسا نفت بوشقاسي‌نين
قيمتي 250 دولارا قالخاجاق