اوروپا ايتحاديّه‌سي‌نين خاريجي ايشلر وزيرلري ايرانين
نفتين تحريم ائتمك مسأله‌سينده بيرلشه بيلمه‌ديلر.
فارسين گوزاريشينه گؤره، اوروپا ايتحاديّه‌سي‌نين خاريجي
ايشلر وزيرلري ايرانين نفتين تحريم ائتمك مسأله‌سينده بيرلشه بيلمه‌ديلر آما 180
ايرانلي شيركتي و شخصي اؤز تحريم ليستلرينه يئرلشديرديلر كي بو ايشلرين تايي
قاباقجادان گؤرولموشدو و فايداسيز اولدوغو ثابيت اولوب.
انگليسين خاريجي ايشلر
وزيري، ويليام هيگ، بوندان قاباق «ايرانين علئهينه تحريملرين چوخالماسيني ايسته‌ميشدي»
و تأكيد ائله‌ميشدي اونون بو ايستگي سهشنبه گونو ايرانلي موعتريضلرين انگليستانين
تهرانداكي سفارتينه حمله ائله‌ماغا ايرتيباطي يوخدور.
بعضي اؤلكه‌لر بو
ايستيدلالينان كي بو ايشله ايرانين هسته‌اي اسلحه آلماغا پولو اولماياجاق، بو
تحريملر اينن موافيق اولموشدولارو. فرانسه‌نين خارجه وزيري ، «آلن ژويه»، دئدي كي
يونان ايران نفتينه باغلي اولدوغونا گؤره، بئله ايقدامينان موخاليفدير.
ويليام هاگ چهارشنبه گونو عوام مجليسين بيانيه‌سينده
دئميشدي: «بير اؤلكه اؤز تورپاغيندا بيزي ايشله‌ماغا قويماسا، اينتيظاري اولا
بيلمز كي بوردا و انگليستاندا سيفارتي اولسون . . . بو بير ايقدامدير كي بيزيم
ايرانلا اولان رابيطه‌ميزي ديپلوماتيك رابيطه‌لر كسيلمه‌دن لاب آز سطحه يئنديرير.»
ويليام هيگ هابئله سهشنبه
گونو دانيشجولارين انگليس سيفارتينه حمله ائتمه‌سي عكس‌العملينده، ايرانين لندنده‌كي
سيفارتي‌نين باغلانماسي و كارمندلري‌نين خاريج اولماسينا اولتيماتوم وئردي. او
هابئله عوام مجليسينده انگليسين تهراندا كي سفارتين باغلانماسي و ايشليه‌نلري‌نين
ايراندان چيخماسيني ايسته‌ميشدي.