لقبي سردار ميلّي و مشروطه‌نين موباريزلريندن اولان
ستارخانين 1292 هيجري شمسي ايلينده اؤلومو
لقبي سردار ميلّي اولان
ستارخان مشروطه موباريزلريندن و مشهور آزادليق ايسته‌ين، 1292 هيجري شمسي ايلينده
شهادته چاتدي. او مشروطه‌خواهليق و آزادليق موباريزه‌لرين اوّل‌لرينده تبريزه گلدي
و مشروطه‌ايسته‌ينلرين صفينده دوردو. محمد‌علي شاه مجليسي بومباران ائدنده و اوندا
كي اؤلكه‌نين باشاباشيندا شيدّتلي خفقان حاكيميدي موباريزه شوعله‌لرين تبريزده
ديري ساخلادي و تبريز قيامي‌نين رهبرليغين الينه آلدي. او تهرانين فتحي و محمد‌علي
شاهين خلعيندن سونرا جماعتين ايستگي‌اينن تهرانا گلدي و جماعت اوندان ايستيقبال
ائله‌ديلر و اونلارين تهرانا گلمه‌سي‌اينن بير زماندا استعمارين نؤكري اولان
نوماينده‌لر بعضي جيره‌خوار قلم وورانلارينان بيرليقدا اونو دانلاماغا باشلاديلار
و ايغتيشاش سالماغا موتّهم ائله‌ديلر. بير مودّت سونرا تهرانين شهرباني رييسي
اولان «يپرم خان» اوندان و يولداشلاريندان ايسته‌دي كي سيلاحلارين تحويل وئرسينلر
آما ستارخان كي اونلارين توطئه‌سيندن خبري واريدي تسليم اولمادي. نهايتده شهرباني
مأمورلاري و آزادليق ايسته‌ينلرين آراسيندا شيدّتلي جنگدن سونرا ستارخانين
يولداشلاري‌نين چوخو شهيد اولدولار. ستارخان‌دا بَتر يارالاندي و بير مدّت سونرا
همان يارانين اثرينده شهيد اولدو و «ري»ين طوطي باغيندا توپراغا تاپيشيريلدي.