جام جم
آنلاين: تونسين خلع اولموش ديكتاتوري آل سعود قوجاغيندا گون كئچيردركن، تونسده بير
قضايي منبع بو خانيواده‌نين كوره‌كنينه 15 ايلليك حبسين صادير اولماسيندان خبر
وئردي.
مهرين
گوزاريشينه گؤره، تونسده بير قضايي منبع اعلام ائله‌دي كي تونس پايتختي‌نين
دادگاهينا وابسته اولان سككيزينجي جينايي داييره، «بلحسن الطرابلسی»
زین العابدین بن‌علی‌نين كوره‌كني اوچون 15 ايل و ايكي آي زيندان، بير ده
مالي غرامتلر صادير ائله‌ييب.
بو دادگاه
بن‌علي‌نين كوره‌كني‌نين ايتيهاملاريني 3 بانكي و گومروكي پرونده‌ده آراشديراندان
سونرا بو غيابي حؤكمو اونا صادير ائله‌ييب. بو اساسدا «بلحسن طرابلسی» بن‌علي‌نين
حوكومت زماني، مركزي بانكدان موجَوّيزسيز ارز آليب ساتماقدان علاوه گومروكدن خبرسيز
صاديرات واريدات ايشينه باخيرميش.
آيري
طرفدن، بو دادگاهين قاضيسي بن‌علي‌نين كوره‌كني‌نين تونسده‌كي اموالينا ال
چاتماسيني منع ائله‌مك حؤكمونو صادير ائديب و بو حؤكمو كانادايا يوللاق اوچون
لازيمي ايشلري‌ده گؤرور.
بلحسن
طرابلسي، بن علي‌نين قئيني، عئين حالدا بو خانيواده‌نين كوره‌كني‌دير كي
ژانويه‌نين اوندوردونده مخلوع ديكتاتورون قاچماق جريانيندا خانيواده‌سي‌اينن
بيرليكده كانادايا قاچدي. بو بير حالدادير كي بن‌علي و آروادي عربستاندا قاليرلار
تا موحاكيمه و حبس كابوسوندان قورتولسونلار.