آمريكانين آدليم روزنامهنيگاري بينالملل دادگاهيني، آمريكا و
ايسراييل الينده منطقهده كي هدفلرينه چاتماق اوچون و حزباللهي تخريب ائلهماق
اوچون بير وسيله اعلام ائلهدي.
فارسين گوزاريشينه گؤره آمريكالي يازيچي و تحليلچي «فرانكلين لامپ»، خبري
المينار پايگاهيندا اؤز هفتهليق يازيسيندا يازدي كي جاري ميلادي ايلين اوكتوبر
آيينين 17-ده آمريكانين خاريجي ايشلر وزيرينين موعاويني «جفري فلتمن» و
آمريكانين لوبنانداكي سفيري «مورا كونيلي» آراسيندا بير پارا دانيشيقلار اولوب.
او بو دانيشيقلاردا كونيلييه دئدي: من ايستهديغيم كيمي اونلاري موحاصيرهيه
سالميشام ، گؤر نئجه بيز حزباللهي مين آرام ضربهاينن آياقدان سالاريق. اونلار نه
فيكر ائلهييبلر؟ بيز بو ترتيباينن 1757 قطعنامهسيني ايجرايا قوياريق و بو يولو
آخيرهجن گئدهروق.
آمريكالي خبرنيگارين يازديقلارينا گؤره فلتمن بو سؤزلرينده آرتيرير: من
ايسراييلدن ايستهميشم اؤزون لوبناندان اوزاقلاتسين، نيه كي ايسراييل ارتشي بير
داها حزباللهي شيكست وئره بيلمز، اوندان علاوه جنگ اولسا منطقهنين بوتؤولوغو جنگ
اوتوندا يانار.
آمريكالي يازيچي، فلتمنين بوجور خوشبين اولماسيني بوندان بيلير كي آمريكا و
صهيونيستي رژيم اؤز ايستكلرينين، 1757 –جي قطعنامهسينده ايجرا اولماسيندان
موطميينديلر. او يازير كي اونلار ايستيرلر 1559 –جو قطعنامهده كي ايستهديقلاريني
كي همان موقاويمتين خلع سيلاح اولماسيايدي، بو ايقداملارينا اله گتيرهلر.
لامپ هابئله آمريكانين خاريجه وزاريتينين وكيللرينين بيريندن نقل ائديب
يازدي كي بو دادگاه حزباللهين آداملاريندان بير نفري محكوم ائليه بيلسه، بو بيزه
بؤيوك بير پيروزلوق ساييلار. ايندي فرق ائلهمز بو محكوم بير راننده اولا يا بير
پيشاهنگ، بيز اونون منصبينه اهميت وئرمهروق.
بو آمريكالي وزير ايدعا ائديب كي امنيتي نيرولار اونلارجا يولونان حزباللهي
آرادان آپارماغا ايقدام ائليه بيلرلر. مثلاً ايرانين تحريملري كيمي، لوبناني دا
بئله تحريم ائدهلر تا قاتيللري [!] تحويل وئرهلر، نيه كي لوبنانليلار فقط پولا
اهميت وئررلر.