دنیا کاتولیکلر رهبری پاپ
فرانسیس دئدی: سؤز آزادلیغیندا محدودیتلرین اولدوغو زمان دینلره توهین اولار. هر
دینین اؤزونه احترام و عزتی واردیر.
دنیا
کاتولیکلر رهبری، پاپ فرانسیس فیلیپینه اولان سفرینده «شارلی ابدو» مجله‌سی‌نین حادثه‌سینه اشاره ائله‌ماغینان
دئدی: سؤز آزادلیغیندا محدودیتلرین اولدوغو زمان دینلره توهین اولار. هر دینین
اؤزونه احترام و عزتی واردیر.
ان‌بی‌سی
کانالی‌نین وئردیغی خبره گؤره، پاپ
فرانسیس فیلیپینده‌کی دانیشیغیندا دئدی: «هئچ
کس دینلری مسخره ائلیه بیلمز». او هابئله آرتیردی: « دین و سؤز آزادلیغی هر ایکیسی‌ده انسانین ابتدایی حقلریندندیر و هر دینین اؤز عزت و
احترامی وار».
دنیا
کاتولیکلر رهبری، شارلی ابدو مجله‌سی
واسطه‌سی اینن اسلام پیغمبره (ص)
چکیلن اهانتلی کاریکاتورلارا اشاره ائدیب دئدی: « آیری دینین منسوبلارینی
غضبلندیرماغا و یا آیری انسانلارین دینلرینه توهین ائله‌ماغا هئچ کسین حقی یوخدور. هئچ کس آیری دینلری مسخره ائلیه
بیلمز».
او آرتیردی:
دینلر باره‌سینده محدودیت وار و هر
دینین اؤز احترام و عزتی وار و سؤز آزادلیغی دینلره توهین ائله‌ماق معناسیندا دئییل.