میرزه حسین کریمی مراغه‌ای آذربایجانین معاصر شاعری 1306 هجری شمسی ایلینده دنیایا گلیب و هله ده مراغه شهری‌نین
ساکنیدیر. اونون 36 جلددن چوخ مداحلیق، اجتماعی و طنز قالیبیندا تورک
دیلینده کتابی چاپ اولوب. اؤز دئدیغینا گؤره بیرینجی مرثیه کتابی اون دؤرد
معصومون مرثیه‌سینده قوشولوب و ایندی‌یه قدر هر دفعه‌سینده 5 مین تیراژینده ایرمی دفعه چاپ اولوب.
بو شاعر 82 ایل برکتلی عمرو بویوندا 150 مین بیتدن آرتیق اهل بیت (ع) مدحی و مرثیه‌سینده شعر یازیب کی 23 جلد کتاب قالیبیندا چاپ اولوب. اوستادین سون کتابی «مصیبت طوماری» آدیندا اهل بیتین (ع) مدحی و مرثیه‌سینده چاپا یئتیشیب.
اوستاد میرزه حسین کریمی مراغه‌ای
اؤز شعرلرینی تورک دیلینده یازسا دا شعرلرینی کلاسیک وزنلرینن یادیغینا
گؤره اونلاردا عرب و فارس اصطلاحلارینا چوخ راست گلماق اولار. اوستادین
شعرلرینه گؤره دکترا تئزی‌ده یازیلیب.
اوستاد مراغه‌ای اؤز طنز شعرلرینده زمانین رسوماتینی نقده چکیر. اونون طنز شعرلری 6 جلدده «رنگارنگ» آدلی کتابدا چاپ اولوب.
اوستاد میرزه حسین کریمی مراغه‌ای ایندی (1393) مراغه شهرینده کتاب ساتیجیلیغی اینن عینی زماندا اثر یاراتماغا ادامه وئریر.