حضرت آیت الله
خامنه‌ای دولتلرین جماعتین دینی و مذهبی اینن رابطه قورماغی اونلارین موفقیتینه
سبب اولماسی بیلیب آرتیردیلار: بعضی افراطچی مذهبی جریانلارا اسلام مذهبلری
آراسیندا اختلاف سالماغا امکان وئرماماق لازمدیر.
معظم رهبرلیق مقامی‌نین اطلاع رسانی سایتی‌نین وئردیغی خبره گؤره، اسلام
انقلابین معظم رهبری حضرت آیت الله خامنه ای چهارشنبه گونو آذربایجانین رئیس
جمهوری جناب الهام علی‌یئو اینن گؤروشده، ایکی
اؤلکه‌نین همسایالیق و مذهبی، تاریخی و فرهنگی بیرلیقلارینی ایک
دولتین مناسبتلرینی تقویت ائله‌ماغا تأثیرلی عامل ساییب و
تأکید ائله‌دیلر: توافقلرین دالیسینی توتماق و سیاسی اراده‌اینن
بدخواهلارا فائق گلماغینان ایکی دولت و ملّتین رابطه‌لرینی
گوندن گونه محکملندیرماق اولار.
حضرت آیت الله
خامنه ای جماعتین مذهبی اعتقادلاری اینن رابطه قورماغی دولتلرین موفقیتینه سبب
اولماسینا تضمین کیمی بیلیب آرتیردیلار: بعضی افراطچی مذهبی جریانلارا اسلام
مذهبلری آراسیندا اختلاف سالماغا امکان وئرماماق لازمدیر.
او حضرت مشترک
اقتصادی کمسیونون تشکیلی باره‌ده ایران و آذربایجان رئیس
جمهورلاری آراسیندا اولان توافقلری مطلوب ایش بیلیب دئدیلر: ایکی طرفین ظرفیتلری و
امکانلاری اینن مقایسه‌ده ایکی اؤلکه آراسینداکی
ایندیکی رابطه‌لر چوخ آزدیر و بو سفرین
اقتصادی و منطقه‌ای رابطه‌لرین
چوخالماسینا مقدمه اولماسینا اومیدیمیز وار.