خارجی ایشلر
وزیری اروپا بیرلیغی‌نین اخیر قطعنامه‌سینه
شدّتلی اعتراضینان تأکید ائله‌دی: اروپا پارلمانی آیری
مملکتلرین وضعیّتی باره‌ده نظر وئرماق شأنینده
دئییل.
محمد جواد
ظریف مجلسین خارجی سیاست و ملی امنیت کمسیونونون دعوتی اینن بو کمسیوندا حاضر
اولدو. او جلسه‌نین باشلانیشیندا تازا
ایلین گلمه‌سینی تبریک دئماغینان اهمیّتلی خارجی سیاستده مجلس اینن
دولتین یاخیندان ایش بیرلیغی‌نین اولماسینا
اومیدوارلیغینی بیلدیردی.
ظریف ادامه‌ده
اروپا پارلمانی‌نین اخیر قطعنامه‌سینه
شدّتلی اعتراضینی بیلدیرماغینان تأکید ائله‌دی: اروپا
پارلمانی آیری مملکتلرین وضعیّتی باره‌ده نظر وئرماق اوچون اخلاقی
موقعیّتده دئییل. بو پارلمانین اروپا داخلینده‌کی
مناسبتلرینده چوخ آز موقعیّتی، و بین المللی رابطه‌لرده
حاشیه موقعیّتی وار. بونا گؤره ائله یئرده دئییل کی اونا چوخ اهمیّت وئرماق و بو
حدّه قدر اوننان دانیشماق لازم اولسون.
ظریف تأکید
ائله‌دی: دولت قطعنامه‌ده‌کی
یازیلان شرطلرینن هئچ اروپالی هیأته ایرانه سفر ائله‌ماغا
اجازه وئرمیه‌جاق. اروپالیلار بیلمه‌لیدیلر
کی بیزیم دولت متقابل احترام ایستیر و اهانتلی حرکتلر و دخالت ائله‌ین
اقداملارا دؤزه بیلمز.
خارجی ایشلر وزیری هابئله
ایرانلیلارین بارماق ایزینی آلان اؤلکه‌لرینن متقابل رفتاری ائله‌ماق
ایکی فوریّتلی طرحین اجرا اولماسینا هئچ مانع بیلمه‌دی
و مدرن وسیله‌لرین و ال وئریشلی سیستمین اولماسی شرطی اینن
اؤلکه‌نین امنیّتینی محافظت ائله‌ماغا
بو ایشی لازم بیلدی.