ایرانین بین‌المیللی اتوم
انرژیسی آژانسینداکی نوماینده‌سی سلطانیه, بونو دئماغینان کی صهیونیستی رژیم و آمریکانین
موضعلری‌نین شفاف اولماماسینا گؤره, بو کونفرانسدا شیرکت ائله‌ماق اوچون هله تصمیم
توتمامیشیق, آرتیردی: صهیونیستی رژیمین "ان پی تی"-یه قوشولماسی,
ایرانین بو کونفرانسدا شیرکت ائله‌ماق شرطیدیر.
مهرین وئردیغی خبره گؤره, سلطانیه
جومعه گونو مسکودا دئدی: بو کونفراسین قورولماسی میلل سازمانی‌نین 1999-داکی
قطعنامه‌سی اساسیندا اولور کی او قطعنامه‌ده بو سازمانین دبیر کولّی, آمریکا,
روسیه و انگلیسله بیرلیکده مسئول اولدولار کی بو مسأله‌نی 2012-ده ایجرا ائله‌سینلر.
او دئدی: ایران‌دا او ایل
بعضی مولاحیظه‌لره گؤره بو ایجماعا قوشولدو.
او بونا ایشاره ائله‌ماغینان
کی «اتومی سیلاحسیز خاورمیانه» ایده‌سی بیرینجی دفعه 1974-ده ایران طرفیندن مطرح
اولوب, آرتیردی: بیز یئنه‌ده خاورمیانه‌نین بعضی بوروشوق وضعیتلرینه باخمایاراق بو
ایده‌دن حیمایت ائدیروق.
اؤلکه‌میزین بین‌المیللی
اتوم انرژیسی آژانسینداکی نوماینده‌سی تأکید ائله‌دی: بویون کونفرانسین
قورولماسینا مسئول اولان اوچ اؤلکه و دونیانین اوبیری اؤلکه‌لری گرک صیهونیستی
رژیمه فیشار گتیره‌لر کی ˈ ان پی تیˈ-یه
قوشولسون. بئله اولسا شاید بیز ده بو کونفرانسدا شیرکت ائدک.