ترکیه‌نین باش وزیری بونا
تأکید ائله‌ماغینان کی اؤلکه‌سی‌نین قصدی یوخدور سوریه‌اینن جنگ ائده, دئدی: هئچ
کس گرکمز بیزیم ایراده‌میزی مرزلریمز و شهروندلریمیزدن دیفاع ائله‌ماقدا سیناسین.
العربیه‌نین وئردیغی خبره
گؤره, "رجب طیب اردوغان" ایران رئیس جومهوری‌نین موعاوین اوّلی‌اینن
گؤروشدن سونرا موشترک خبری کونفرانسدا تأکید ائله‌دی کی ترکیه هئچ واخت جنگ
دالیسیجان دئییل و ترکیه‌نین جنوب شرقینه خومپاره‌لی حمله‌دن سونرا بو اؤلکه‌نین
پارلیمانی, سربازلارین ایستیقرارینی, فقط قاباق آلما عنوانیندا تصویب ائدیب.
چرشنبه گونو, ناهاردان
سونرا سوریه طرفیندن ترکیه تورپاغینا خومپاره گوللـه‌سی گلدی و نتیجه‌ده دؤردو
اوشاق اولان 5 ترکیه‌لی اؤلوب و 9 نفر یارالاندی. بو حمله‌دن سونرا ترکیه ارتشی
سوریه تورپاغیندا بعضی نیظامی هدفلری توپا باغلادی و بو حمله‌لرین پنجشنبه سحره‌جن
ایدامه‌سی واریدی و نتیجه‌ده سوریه‌ده شیدّتلی پاتلاییشلار اولوب.
سوری موخالیفلرین اعلامینا
گؤره بو حمله‌لر نتیجه‌سینده ایکی سوریه‌لی نیظامی اؤلوب و بعضیسی‌ده اؤز
موضعلریندن دالی قاییدیبلار.