امنیّتچی‌لرینن اوغورلولارین
ساواشی‌نین همیشه ایدامه‌سی وار؛ آما جالیب بوراسیدیر کی بیر ایش یوخدور کی قیفیل
دوزلدنلر ائله‌سینلر و بو ساواشدا موفّق اولسونلار.
مؤحکم, برک و اینعیطافلی؛
بونلار ائله سؤزلردیلر کی معنالاری دئییلن یئرلرینه گؤره دگیشیر. مثلاً اونلاری
بیر چمدان باره‌سینده ایشلتساق, هامیسی‌نین تقریباً بیر معناسی اولور. آما موختلیف
ماده‌لرین فیزیکی خصوصیتلری باره‌ده دئییلسه‌لر بو سؤزلرین هر بیری‌نین اؤز معناسی
اولار.
لاپ یاخجی قیفیللارین‌دا
ضعیف نوقطه‌لری وار. تقریباً بوتون ماده‌لر حتّا فولاد اؤز اینعیطافینی سویوق
موقابیلینده الدن وئریر. یعنی اونو سیندیرماغا داها آز گوجه احتیاجیز اولار.
فلیزلرین موقاویمتی مخصوص دمادان آشاغیدا آزالار. بو دمانین موعیّن اولماسی مئتالوژی
علمینه مربوط اولور. شاید اینانمایاسیز, آما همین مسأله باعیث اولدو کی تایتانیک
گمیسی بوز داغینا دَیماق اثرینده سینسین و غرق اولسون !
پولاد زنجیر ده بئله اولور.
زنجیری سیخیلمیش هاواینان (دی فلوئور اتان) ایسپرئیله‌سیز اونون دماسی 25 درجه
سانتی‌گراد صفردن آشاغی یئنر و بو حالتده لاپ اینعیطافلی زنجیر او قدر سینان اولار
کی بیر چکیش‌اینن چوخ راحات سینار. پس حقیقتده ائله بیر ایش یوخدور کی قیفیل
دوزلدنلر ائله‌سینلر و اوغورلولارا غالیب اولسونلار.