سیپاهین فرماندهی تأکید ائله‌دی کی دوشمنلر ایرانلا
موقابیله ائله‌ماغین تکجه یولونو جنگده بیلیرلر و بئله فیکر ائلیرلر کی بو اونلارا
قازاناجاق. آما اونلار او قدر قانمازدیلار کی بیلمیرلر بو ایش اونلارین محو اولما
نوقطه‌سی و ماجرالاری‌نین سونو اولاجاق.
سردار سرلشکر محمد علی جعفری سیپاهین جنگده بهداری گوجلری‌نین
ایختیصاصی نوماییشگاهیندا دئدی: ایندیه قدر هئچ گوج و قودرت ایسلامی اینقیلابین
قاباغا گئتمه‌سینه مانع اولا بیلمه‌ییب, نیه کی اینقیلابین توسیعه‌سی یئر اوزونده
ایسلام دینی و ایلاهی ایشیغین توسیعه‌سی معناسیندادیر.
او
آرتیردی: گرک چالیشاق موقدس دیفاع فرهنگینی بو گونکی و گله‌جک نسله اینتیقال وئرک
کی موعظم رهبری مقامین لوطفی ایله بو زمینه‌ده یاخجی ایقداملار اولوب.
جعفری
ایدامه وئردی: گؤرولمه‌لی ایش هله چوخ وار کی بو حماسه یاخجی صورتده گله‌جک نسله
اینتیقال تاپا.
سیپاهین
فرماندهی بونا تأکید ائله‌ماغینان کی بویونون حادیثه‌لری سککیز ایللیق جنگین تازا
نوسخه‌سیدیر, دئدی: دیقت ائله‌ساق حادیثه‌لر, غیبی کؤمکلر و آللاهین غیب الینی
جیبهه‌نین هر یئرینده او دوراندا گؤره‌روق و گرک چالیشاق اونلاری بویونکی نسله
اینتیقال وئراق.
او
ایدامه‌ده بونو دئماغینان کی بویون موسلح نیرولار و مخصوصاً سیپاهین پیشرفته
دستگاهلاری وار, دئدی: بونو بیلمه‌لی‌یوق کی شراییط دگیشماقدادیر و تحمیلی سککیز
ایللیق جنگ کیمی جنگ اولمایاجاق, آما آیری بیر جنگ پیش‌بینلیق اولور کی گله‌جاقدا
باش وئره‌جاق و بیز قطعاً بو جنگده موقدس دیفاع دورانی‌نینداکی مظلومیّتیمیز
اولمایاجاق.
سرلشکر
جعفری تشریح ائله‌دی: الیمیز بوش اولان واخت بیزیم معنوی گوجوموزونن
باشارانمادیلار قالسین کی بویونه؛ هئچ کسین ایرانا گئنیش حمله جورأتی اولماز.