اینقیلابین موعظم رهبری موبتکیرلرین
جمعینده : چتینلیقلار و فیشارلار ایران جماعتی‌نین ایراده‌سی و هدفلریندن داها
کیچیکدیر.
اینقیلابین موعظم رهبری موبتکیرلرینن
گؤروشده فرماییشلر ضیمنینده بویوردو: ایران جماعتی میدانین اورتاسیندادیر و
چتینلیقلار و فیشارلار ایران جماعتی‌نین ایراده‌سی و هدفلریندن داها
کیچیکدیر.
فارسین سیاسی سرویسی‌نین موعظم رهبری
مقامین سایتیندان نقل ائتدیگی گوزاریشه گؤره, حضرت آیت الله خامنه‌ای ایسلامی
اینقیلابین موعظم رهبری یکشنبه گونو موحقیقلر, موتخصیصلر و موبتکیرلر, علمی
شیرکتلرین مسئول‌لاری جمعینده, علمی, اؤلکه‌میز اوچون جوشان و قورتولماز سرمایا
بیلیب و میلّی هویتین ایرتیقاسیندا علمه دایانان ایقتیصادین نقشینه ایشاره
ائله‌ماغینان تأکید ائله‌دیلر: بوگون اؤلکه‌میز بیر تاریخی و حساس موقعیتده دایانیب
کی مسئولیتلری دوزگون تانیماق و اونلاری یئرینه گتیرماق, قطعاً جماعتیمیزی اومید
وئرن اوفوقلارا چاتدیراجاق.
ایسلامی اینقیلابین رهبری
آرتیردیلار: اؤلکه قاباغا گئدیر و هئچ بون‌بست و حل اولمایان موشکول جماعتین
قاباغیندا یوخدور.
حضرت آیت الله خامنه‌ای بعضی سیاسی,
ایقتیصادی و تبلیغاتی فیشارلارا ایشاره ائدیب بویوردولار: ایران جماعتی میدانین
اورتاسیندادیر و چتینلیقلار و فیشارلار ایران جماعتی‌نین ایراده‌سی و هدفلریندن
داها کیچیکدیر.
اونلار بو ایناما یئتیشماغی کی نفت
قویولارین قاپاقلارینی ایختیاری صورتده باغلانا و خام نفتین صادیراتی بوتونلوکده
دایانا چوخ موهوم حسابلادیلار و تأکید ائله‌دیلر: بو شراییطه چاتماق علمه
دایانماغینان و علم‌محور شیرکتلرین یولی‌اینن ایمکانلیدیر.
ایسلامی اینقیلابین رهبری, رئیس
جمهورون علمی موعاوینتی طرفیندن علم‌محور شیرکتلره کؤمکلیق ایقداملاری
اورک‌قیزیشدیران بیلیب آرتیردیلار: بیر سئری ضعف نوقطه‌لری و موشکول‌لر وار کی گرک
تئزلیقجن تاپیلیب حل اولا.