آمریکانین اسبق خاریجی ایشلر وزیری بونا
ایشاره ائله‌ماغینان کی اینسان سئور موداخیله‌لر باعیث اولوب دولتلرین وستفالیایی
اصوللاری رعایت اولماسین, اعلام ائله‌دی سوریه‌ده هر جوره نیظامی موداخیله
دونیانین نظمین قاریشدیراجاق.
فارسین گوزاریشینه گؤره, «هنری کیسینجر»
آمریکانین اسبق خاریجی ایشلر وزیری واشنگتن پست روزنامه‌سینده یاییلان یازیسیندا,
سوریه‌ده هر جور نیظامی موداخیله‌نین اؤلکه‌لرین میلّی حاکمیت اصلی‌نین آرادان
گئدمه‌سینه سبب اولاماسینی بیلدیردی و تأکید ائله‌دی کی عرب اؤلکه‌لرینده کی خلق
حرکت‌لری باعیث اولوب اینسان سئور موداخیله دوکترینی یا «جماعتین جانین قوروما
مسئولیتی» دولتلرین وستفالی اصولونون –کی تمامیت ارضی‌نین قوروماغی لازمیدیر-
یئرینی توتسون.
کسینجر آرتیردی: بو زمینه‌ده داخیلی
بؤحرانلار بین‌المیللی منظردن دموکراتیک و فیرقه نیگرانلیغینا سبب اولار. خاریجی
قودرتلر, دولتلریدن ایسترلر کی قودرتی تحویل وئرمک اوچون موخالیفلر اینن موذاکیره
ائله‌سینلر. آما چونکی هر ایکی طرفین هدفی «قالماق»دیر بو توصیه‌لرین فایداسی
اولماز.
او دئدی: ایکی طرفین قودرتی بیر سطحده
اولسا, اوندا نیظامی ایقدام کیمی خاریجی موداخیله بو دویونو حل ائله‌ماغا وارید
اولار.
بو یول کئچن ایل لیبی موریدینده اولدو و
ناتو نیرولاری و عرب اؤلکه‌لرین نیرولاری معمر قذافی‌نین رژیمینی ییخماق اوچون
موخالیفلرین نفعینه نیظامی موداخیله‌یه ال ووردولار.
کسینجر ایدامه‌ده بو مسأله‌دن تأسوفون
بیلدیرماغینان کی اینسان سئور موداخیله میلّی منعتلر و قودرت تارازلاماسی
خیدمتینده اولوب, آیدینلاتدی کی بوجور توجیه ائله‌ماق, دونیادا حیکومتی اصولونون
نقض ائله‌ماغیدیر.
آمریکانین بو کؤهنه‌کار دیپلوماتی دئدی:
بو مسأله خاریجی سیاستین بیر بؤلومو کیمی قبول ائدیلسه, بوجور موداخیله آمریکانین
ایستراتئژیسی باره‌ده چوخلو سوآللار مطرح ائلر. آیا آمریکا اؤزونه وظیفه بیلیر کی
خلقلرین قیاملاریندا غیر دموکراتیک دولتلر موقابیلینده حیمایت ائلیه؟ حتّی او
اؤلکه‌لر کی وارلیقلاری ایندی کی دونیا نظمی‌نین قالماسینا چوخ موهومدو؟
او آرتیردی: میثال اوچون عربستان, او
گونه‌جن کی بو اؤلکه‌ده خلق حرکاتی اولمایا آمریکانین هم پیمانی قالاجاق.
کسینجر دئدی: اولا بیلر کی بشار اسدین
ساقیط اولماسی آمریکانین منفعتیه اولا آما هئچ ایستراتژیک سببه گؤره تازا جنگ
باشلاماق اولماز. بونا گؤره, ائله دونیا نظمی کی مرزلری آرادان آپارا و داخیلی و
خاریجی جنگلری بیر-بیرینه قاتا, وجودا گلمیه‌جاق.