آمريكانين رييس جومهورلوق كانديداسي:
«هرموز» تنگه‌سيني باغلاماق ايرانين حقيدير/ ايران علئهينه
تحريملر جنگي ايقدام ساييلار.
آمريكانين رييس جومهورلوق كانديداسي آمريكانين ايران
علئهينه اولان خاريجي سياستين خطرلي توصيف ائديب دئدي: ايران نفتي‌نين تحريمي و
هرمز تنگه‌سي‌نين باغلانماسي آيري جنگين باشلانماسينا سبب اولار.
فارسين ای بی سی نیوزدان نقل ائله‌ديغي گوزاريشه گؤره، ران
پاول كونگيره نوماينده‌سي و آمريكانين گله‌جك اينتيخاباتيندا باراك اوبامانين
رقيبلريندن، آمريكانين خاريجي سياستيندن اينتيقاد ائتمكله دئدي: آمريكانين خاريجي
سياستي چوخ خطرليدير و جومهوري ايسلامي ايران علئيهينه تحريملرين آرتماسي، جنگ
لايحه‌سي‌نين ايمضاسي و واقعي جنگين باشلاماسي ساييلير.
پاول كي اؤز اينتيخاباتي ميتينگلرينده دانيشيردي، دئدي:
تحريملرين چوخالماسي موقابيلينده ايران طرفيندن هرمز تنگه‌سي‌نين باغلاماغين اعلام
ائتمك، چوخ منطيقلي و عقله باتان بير ايقدامدير نيه كي ايران اوچون قودرتلي اهروم
ساييلير.
پاول هرمز تنگه‌سي‌نين باغلانماسيني مكزيك تنگه‌سي‌نين
چينلي‌لر طرفيندن باغلانماسينا تاي بيليب دئدي: من بئله دوشونرم كي بو شراييط تازا
جنگين باشلانماسينا بير تهديددير.
تگزاس ايالتيندن اولان بو كونگيره نوماينده‌سي ايرانا حمله
ائله‌ماغي آمريكادا ايقتيصادي چتينليقلارا سبب اولماسيني بيلديردي.