جام جم آنلاين: حضرت آیت الله خامنه ای ايسلامي اينقيلاب موعظم رهبري دوشنبه
گونو ارتشين دريايي نيرولار مسؤوللاري‌نين گؤروشونده اينقيلابدان سونرا دريايي
نيرونون چوخ موثبت و قاباغا گئدن حركتينه ايشاره ائديب دئدي: ايسلامي اينقيلاب
اؤلكه‌نين جماعتي و مسؤوللارينا عيزّت وئردي و ايران بو ايراده‌نين كؤلگه‌سينده تك
جانينا لاب بؤيوك موستكبير و استعمارچيلارين قاباغيندا داياندي و اونلارين ايراده‌سين
سينديردي.
كول قوّه‌لر فرماندهي بو گؤروشده -كي
آذرين يئدديسينده، جمهوري ايسلامي ارتشي‌نين دريايي نيروسي گونونون، ايل
دؤنومونده اولموشدو،- اؤلكه‌نين جنوب سولاريندا امنيّتين تأمينيني اهميتلي بيليب
آرتيرديلار: بويون آذرين يئدديسي كيمي ايمتحان عرصه‌سي قاباغا گلسه دريايي نيرونون
عملكردي چوخ شيرين‌راق و عظمتلي‌راق اولار كي بو گوجون نيشانه‌لري آيدين و
آشكاردير.
حضرت آیت الله خامنه ای
استعمارچيلارين مخصوصاً انگليسين، ميلّتلرين تحقيرينده اولان سابيقه‌سينه ايشاره
ائله‌ماغينان، تمدّون سابيقه‌سين آرادان آپارماق، ميلّي ناتوانليغي ايلقا ائتمك و
اونلارين منبعلر و منفعتلرينه تسلوط تاپماقلارينا ايشاره ائديب بويوردولار: قاجار
و مخصوصاً پهلوي دؤرونده اؤلكه‌نين مقاملاري سولطه‌چيلرين ايستكلري قاباغيندا ذليل‌ايديلر
و اگر بير جماعت دوشمن قاباغيندا ضعف احساس ائده بير ايش گؤره بيلمز. آما ايسلامي
اينقيلاب عيزتي ايرانا هديه ائله‌دي و هامي گرك بو عيزّتين قدرين بيله‌لر.
كول قوّه‌لر فرماندهي بو گؤروشده
سيپاه و ارتشين دريايي نيروسونا ايكي موهوم توصيه‌لري واريدي: 1. مأموريتلرين
انجاميندا موضاعف جيديّت و اهتيماملاري اولسون. 2. اؤز ايچ دوزليشلريني موختليف
مهارتلرين آرتيرماسي، علمي گوج، جيدّي عزم و ايراده و ديندارليغينان داها موستحكم
ائله‌سينلر.
ايسلامي اينقيلابين موعظم رهبري‌نين
دانيشيقلاريندان قاباق، امير دريادار سياري 1359 دا آذرين يئدديسي حماسه‌سينه
ايشاره‌ائله‌ماغينان، جمهوري ايسلامي ارتشي‌نين درياي نيروسي‌نين آزاد سولاردا
ايقتيدارلي حاضير اولماسي، سو مرزلرينه ايطيلاعاتي ايشراف، دريايي نيرونين ديفاعي
راكت سيستمين تقويتي، سيپاه و ارتشين دريايي نيرولارين آراسيندا ايش‌بيرليغين
اولماسيندان و بو نيرونون گله‌جكده فرامنطقه‌اي سولاردا حاضير اولمالاق برنامه‌لريندن
گوزاريش وئردي.