اوستاد
محمد حسين شهريار ايرانين لاب بؤيوك موعاصير غزل دئيه‌ني 1367-ده دونياسين دگيشدي
و تبريزده شاعيرلر مزاريندا تورپاغا تاپيشيريلدي. اوستاد شهريارين اوشاقليق دوراني
مشروطه اينقيلابي زمانيدي. او اورتا تحصيلدن سونرا، تهرانين دارالفنون
دانيشگاهيندا طيبّ ريشته‌سينده مشغول اولدو آما نئچه ايلدن سونرا بو ريشته‌ني
ياريمچيليق قويوب تبريزه قاييتدي. اوستاد شهريار 23 ياشيندا بيرينجي شعر مجموعه‌سيني
مونتشير ائله‌دي. او موختليف قاليبلاردا غزل ، قصيده، قطعه، روباعي و حتي تازا
قاليبدا دا شعر قوشوب. آما شعرلري‌نين چوخو غزل قاليبيندادير. شعر ديواني و حئيدر
بابايا سلام مجموعه‌سي توركي ديلينده اونون لاب معروف گؤزل شعرلريندندير.
شهريار موختليف
زمينه‌لرده و جور به جور شعرلر قوشوب. وطن، جاميعه، تاريخ، مذهب و عصرين
ايتّيفاقاتي باره‌ده قوشدوغو شعرلر آز دئييل. مضمون تازاليغي، خيال، تعبير حتي شعر
قاليبيندا دا اونون ديوانيني آيري شاعيرلرين‌كيندن آييرير.