آيت‏اللَّه حاج ميرزا علي غروي علياري تبريزي 1280 هجری شمسی ایلیننده تبریز شهرینده علم و تقوا ائوینده دنیایا گلدی. آيت‏اللَّه حاج ملاعلي علياري‌نین نوه‌لریندن اولان میرزا علی، مقدماتی قورتاراندان سونرا مقدس نجف شهرینه یوللاندی و ایللر بویو ضياء الدين عراقي، ميرزاي ناييني، سيد ابوتراب خوانساري و سيدعلي آقا قاضي کیمی شخصیتلرین محضریندن استفاده ائله‌دی. او، بو مدتده اخلاق، فقه، اصول، كلام، رجال، عرفان، حكمت و فلسفه ساحه‌لرینده حد کمالا چاتدی و نجف بؤیوک مجتهدلرین الیندن اجتهاد اجازه‌سی آلدی. او بزرگوار 31 یاشیندا اولاندا جدّی آيت‏اللَّه محمد حسن علياري‌نین ایستگی اینن تبریزه قاییتدی و 65 ایل بویوندا تدریس، تحقیق، تألیف و تربیته مشغول اولدو.

او بؤیوک فقیه‌دن چوخلو اثرلر یادگار قالیب. آيت‏اللَّه علياري 1417 هجری قمری ایلین ذیحجه آیی‌نین 13-ده 96 یاشیندا تبریز شهرینده دنیایا گؤز یومدو و قم شهرینده خانم معصومه‌نین حرمینده تورپاغا تاپیشیریلدی.