معظم رهبرلیق مقامی: بنده انتخاباتدا دخالت ائله‌میرم؛ مگر . . .
همشهری آنلاین: حضرت آیت الله العظمی خامنه‌ای آثاری‌نین حفظ و نشر دفتری‌نین خبر یایما پایگاهی بیر مطلب ضمنینده معظم رهبرلیق مقامین نظرینی انتخابات باره‌ده تبیین ائله‌دی.
حضرت آیت الله العظمی خامنه ای اثرلری‌نین حفظ و نشر دفتری‌نین اطلاع‌رسانی پایگاهی یازدی: اؤلکه‌نین و جماعتین اؤز گله‌جاغی‌نین تعیین ائله‌مه‌سینده اصلی نقشی اولان مسأله‌لرین بیری‌ده انتخاباتدیر. اسلامی انقلابین معظم رهبری همیشه انتخاباتین اهمیتینه تأکید بویوروبلار و هامینی بو موضوعدا قانونون رعایت ائله‌ماغا و جماعتین رأینه تمکین ائله‌ماغا دعوت ائله‌ییبلر.
رهبرین رأییندن هئچ کسین خبری اولمایاجاق
نهایتده تعینن ائدن جماعتدیر. اهمیتی اولان مسأله سیزین تشخیصیز و رأییزدیر. اؤزوز تحقیق ائله‌ییب باخیب دقت ائله‌مه‌لیسیز و ایناندیغیز انسانلاردان سوروشمالیسیز کی اصلح شخصه چاتیب سئچه‌سیز. رهبرین فقط بیر رأیی وار. بنده حقیر او بیری جماعته تای فقط بیر رأییم وار؛ بو رأی‌ده صاندیغا سالینمایینجا هئچ کس اوندان خبردار اولمایاجاق. اولا بیلر صاندیغی آچماغا سایانلاردان حقیرین خطینی تانییب کیمه رأی وئردیغیمی بیله‌لر؛ آما رأی وئرماقدان قاباق هئچ کس بیلمه‌یه‌جاق. بو جور دئییل کی بیری گلیب دئیه کی رهبرین نظری فلانی‌یه‌دیر، بهمان کسه دئییل. بئله نسبت وئریلسه دوز دئییل.
1392 فروردینین اوّلینده مطهر رضوی حرمده‌کی دانیشیقلار