اوستاد حسن هریسی 1282 شمسی ایلینده تبریز شهرینده دونیایا گلدی. 12 یاشیندان طالبیه مدرسه‌سینده قرآن، گلستان،  صرف، نحو، منطق و فقه و اصول و خوشنویسی علمینی اؤرگشماغا مشغول اولدو. اوستاد هریسی نسخ و نستعلیق خطّینی شهرین مشهور اوستادلاری محضرینده اؤرگشدی و 25 یاشیندان خوشنویسی معلمی کیمی مشغول اولدو و 1347-جی ایلیندن تبریزین فرهنگ ائوینده خوشنویسی تدریسینه باشلادی. اوستاددان چوخلو رسم الخط کتابچه‌لریندن علاوه 3 نسخه قرآن، 3 نسخه مفاتیح الجنان، منهی الامال، معراج السعاده، صحیف سجادیه و 10 جلد نهج البلاغه یادگار قالیب.

او خوشنویسی‌دن علاوه کتاب سرفصل‌لری‌نین طراحلیغیندان ائلیردی کی قرآ«ین اول صفحه‌لری‌نین طراحلیغی اونلاردان ساییلیر. اوستاد هریسی 80 یاشیندا ایکن تبریز شهرینده بئیین سکته‌سی اثرینده دونیاسینی دَییشدی.