انقلابین معظم رهبری حضرت آیت‌الله العظمی خامنه‌ای یکشنبه گونو سوئدین نخست وزیری اینن گؤروشده ایکی اؤلکه‌نین همکارلیقلاری اوچون یوخاری ظرفیتلرین اولدوغونا اشاره ائله‌ماغیناین دئدی: ایکی اؤلکه رابطه‌لری‌نین آرتماسیندان استقبال ائلیرم و اومیدیم وار مذاکره‌لر و توافقلر عملده ده تحقق تاپسین.
حضرت آیت‌الله خامنه‌ای ایران و سوئدین ایندیکی رابطه‌لرینی چوخ آز بیلیب آرتیردی: سوئدین ایرانینان اوزون مدت رابطه‌سینه گؤره، سوئدین ایران جماعتی گؤزونده خوشنام بیر اؤلکه خاطره‌سی وار و ملتلرین بیر بیرینه بوجو خوش باخیشلاری همکارلیقلارین توسعه‌سی اوچون یاخجی زمینه ساییلیر.
او هابئله سوئد نخست وزیرینه خطابا دئدی: سیزی تانیدیغیما گؤره سیز اقدام و عمل اهلی‌سیز و سیزدن انتظاریمیز وار ائله عمل ائله‌یه‌سیز کی توافقلر فقط کاغذ اوستونده قالمایا.
اسلامی انقلاب رهبر هابئله آرتردی: سوریه و عراقی آجی حادثه‌لرینده آمریکا و اروپا قدرتلری‌نین چوخونون نقشی وار و منطقه جماعتی بو مسأله‌دن آگاه اولدوغو اوچون اونلارا بدبیندیلر.
او، منطقه مشکل‌لری‌نین حلینی منطقه‌نین اؤز ایچینده بیلیب، عراقین یاخشیلیغا اوز قویدوغو وضعیتینه اشاره ائله‌ماغینان آرتیردی: سوریه مسأله‌سی‌نین حلی‌ده بوجورلوغونان ممکن‌دیر آما اونون تحققی اوچون تروریزمدن حمایتین قطع اولماسی لازمدیر.