نماز جمعه
مراسمی ستادی‌نین فطر بایرامی مناسبتینه
وئردیغی اطلاعیه‌‌ده بئله گلیب:
سعید فطر
بایرامی‌نین نمازی اسلامی اؤلکه‌نین
هر یئری اینن عین زماندا تبریزین امام خمینی (ره) مصلی‌سیندا
و اطراف خیابانلاردا ولی فقیهین اوستانداکی نماینده‌سی و
تبریزین محبوب امام جمعه‌سی آیت الله مجتهد شبستری‌نین
امامتی اینن شوّالین اوّلینده سحر ساعت سککیزده قیلیناجاق.
بو اطلاعیه
آرتیریر: ضمناً بایرام نمازیندان قاباق، قرآن تلاوتی، ندبه دعاسی و سخنرالیق
مراسمی اولاجاق. جمعیتین چوخلوغونو نظرده آلاراق اؤزوزله پالاز، مهر و امکان
داخلینده نمازین جزئی اولان خطبه‌لری ائشیتماق اوچون بالاجا
رادیو گتیریلمه‌سی تأکید اولونور.
بو اطلاعیه‌یه
گؤره تبریز و حومه شرکت واحد ماشینلاری عزیز نماز قیلانلاری شهرین هر یئریندن امام
خمینی مصلی‌سینا و بالعکس داشیماغا خدمات وئره‌جاقلار
و مصلی‌نین قاپیلاری‌دا سحر ساعت 6 دان
آچیلاجاق.