بو جلسه‌ده شرقی آذربایجان استانداری، جبارزاده دئدی: «تبریزین اؤلکه‌نین کتاب پایتختی اولماسی طرحینه تقدیم ائله‌ماق مبارک و دَیَرلی ایشدیر. بو ایش تبریزه یاراشان فهنگی فعالیتدیر آما بو جور فعالیتلرین ادامه‌سی اولمالیدیر».

بو جلسه‌ده شرقی آذربایجانین اسلامی ارشادین مدیر کلّی، صفی پور بو طرحی تقدیم ائله‌ماغینان دئدی: وئردیغیمیز طرح بئش مشهد، تهران، قم، اصفهان و شیراز شهرلرین طرحلری‌ اینن رقابت ائلیه‌جاق کی تبریزین سئچیلمه‌سینه اومیدیمیز وار.

صفی پور آرتیردی: تبریز شهر کتابین توسعه وئرماق، ائودن ائوه کتاب طرحی، کتاب احسان و وقف طرحی، عاغیللی کتابخانا یولا سالماق و کاغذدان کتابا محیط زیست طرحی، اسلامیارشاد وزارتینه تقدیم اولن طرحلردندیر.

او، کتابخانا ساییسی، کتاب ساتیلان یئرلر، مطالعه میزانی، شهرلرین دانشگاه، دانشجو و فرهنگی سابقه‌لری‌نین ساییسینی اؤلکه‌نین کتاب پایتختی سئچیلمه‌سینده تأثیرلی اولدوغونو دئدی.

یونسکو، ایلده بیر شهری اؤز اؤلکه‌سینده کتاب پایتختی اولاندان سونرا دنیا کتاب پایتختی نامزدی کیمی تانیتدیرار.