معظم انقلاب رهبری حضرت آیت الله خامنه‌ای «دانشگاهلارین جوان نخبه‌لری، جهانی و داخلی المپیادلارین سئچیلمیشلری» جمعینده، علمی تحقیقاتی مرکزلری و دانشگاهلاردا علم تولیدی‌نین کامل شبکه‌سینی یاراتماغی‌نین ضروری‌لیغینا تأکید ائله‌ماغینان آرتیردیلار: مملکتی، یئر آلتی و نفت گلیرلری یئرینه  یئر اوستو منابعی یعنی هوش و استعدادینان دولاندیرماق لازیمدیر.

اونلار، «جوان نخبه و اؤلکه‌نین ایشیقلی گله‌جاغینی بشارت وئرنلر» جمعینده اولماغی چوخ شیرین ساییب توصیه ائله‌دیلر: افتخارلی وطن ائوینی فکر، عزم و اراده گوجو اینن بو جماعته یاراشان شکلده دوزلدین.

حضرت آيت الله خامنه‌اي، ملّتلر و اؤلکه‌لر آراسینداکی علم مسابقه‌سینه اشاره ائله‌ییب آرتیردیلار: علمی لحاظدان قاباا گئتماغین سرعت چوخ اولماسینا رغماً، دالی قالمالارین چوخلوغونا گؤره اؤلکه‌میز هله اؤزونه یاراشان یئره چاتماییب بونا گؤره علمی حرکت بوتون لوزام و ضرورتلری اینن ادامه وئریلمه‌لیدیر.

حضرت آيت الله خامنه‌اي واقعتیلره استناداً تأکید ائله‌دیلر: اؤلکه‌میز نفت گلیرلرینه دایانماق یئرینه، یئر اوستو ذخیره‌لر یعنی جوانلارین هوش و استعدادی اینن دولانمالیدیر. بو جور اولسا دنیادا هئچ کسین اؤلکه‌میزین اقتصادی اینن اویناماغا قدرتی اولماز.