شرقی آذربایجان اسلامی
تبلیغات اداره‌سی‌نین عمومی رابطه‌لرین وئردیغی خبره گؤره، حجت الاسلام حميد عظيمي
بو اداره‌نین رئیسی، دینی انحرافلارین مصداقینی تعیین ائله‌ماق مرجعینی معیّن
ائتماق باره‌ده دئدی: انتظامی قوّه‌لر دینی انحرافلارین مصداقینی تعیین ائله‌ماق
مرجعی دئییل. اسلامی تبلیغات اداره‌سی عزادارلیقلارین تخلّفلارینی بیر منشور
قالبینده سیره‌لره و استانین فرهنگی شأنلرینی سهمانلاما ستادیندا عضو اولان
دستگاهلارا وئریب و بو سازمان بو مصداقلارین تعیین ائله‌ماغینا صلاحیّتلیدیر.
قضایی قوّه و انتظامی قوّه فقط اونون اجرایی قولودور.
حجت الاسلام حميد عظيمي
بدعتلرین قاباغینی جدّی صورتده آلماغین ضرورتینه اشاره ائدیب دئدی: امام حسین (ع) عزادارلیغی
سنّتی و جماعت ایچیندن چیخمیش اولمالیدیر. او، دولتی اولا بیلمز. تخلف‌لرین
قاباغینی آلماق‌دا ایجابی و تمهیدی اولمالیدیر آما بو عزادارلیقدا بدعتلر قویولسا
و امام حسین (ع) عزادارلیغی تهدید و تخریب اولسا مسئول‌لار جدّی صورتده میدانا
گلیب بو ایشین قاباغینی آلمالیدیلار.
عظیمی محرملیقدا
عزادارلیقلارین ساعتیه اشاره ائدیب دئدی: گئجه عزادارلیقلاری ساعت 12-دن او طرفه
قالمامالیدیر و نظارت اکیپلری و انتظامی قوّه‌لر متخلّف سیره‌لره لازم اولان
تذکّرلری وئرمه‌لیدیلر.