آمریکادا بیر مدرسه‌ده اوشاقلارین گولـله‌یه باغلانماسیندا بیر هفته سونرا، اسلحه صاحیبلری حقوق سازیمانی اؤز سکوتونو سیندیریب بئله حادیثه‌لرین تیکرارلانماماسینا گؤره, مدرسه‌لرده سیلاحلی موحافیظلرین قویولماسینی پیشنهاد ائله‌دی.
آما والدینلر و تعلیم ایش‌بیلنلری بو ایشین اوشاقلارین امنیتینی قوروماسینی نه قدر تضمین ائله‌دیغینی سوروشورلار.گؤره‌سن بو ایشی ایقتیصادی لحاظدان ائله‌ماق اولار؟ اونون تأثیری اوشاقلارین فعالیتینده نه اولار؟ آسوشیتدپرسین وئردیغی خبره گؤره میلّی توفنگ انجومنی، آمریکادا سیلاح صاحیبلری‌نین لاپ بؤیوک تشکیلاتیدیر کی حدوداً 4.3 میلیون نفر عضوی وار. معمولاً بو انجومن سیلاحلا باغلی هر حادیثه‌دن سونرا سیلاح مالکیتی و اوندان ایستیفاده ائله‌ماقدان دیفاع ائدردی آما بو دفعه سین چیخارتمادی. و نهایتده جومعه گونو بو سکوتو سیندیریب اونون مودیری وین لاپیر، بیر موصاحیبه‌ده مدرسه‌لرده سیلاحلی موحافیظلرین ایستیقرارینا نظر وئردی.
ایندیلیقدا آمریکا مدرسه‌لرینده10 مین نفردن چوخ سیلاحلی پولیس موستقردیلر آما آمریکادا 98 مین مدرسه‌نین اولماسی بو رقمین یئترلی اولماماسینی گؤرسدیر.
مدرسه‌لرده سیلاحلی موحافیظلرین اولماسی بیر عیدّه‌یه گؤره قبول اولونان ایشدیر آما بیر عیدّه دئیر کی بو مسأله اوشاقلاری بالقوّه شراییطده داها چوخ گولـله آتیشماسی معرضینده قرار وئریر.
بیر عیدّه بئله اینانیر کی آمریکادا روحی موشکول سببیندن قتل عاما ال وورانلارین سایی بونا گؤره چوخالیر کی بودجه آزلیغینا گؤره روحی بهداشت برنامه‌لری حذف اولور.