مهرین
وئردیغی خبره گؤره, حضرت
آیت الله خامنه ای ایسلامی اینقیلابین موعظم رهبری, چهارشنبه گونو مینلر دانیشجو و
موحصیلین گؤروشونده, موهوم سؤزلر ضیمنینده ایران جماعتی‌نین موستکبیر آمریکا دؤلتی
قاباغینداکی 60 ایللیق کلان موباریزه‌سی‌نین موختلیف مرحله‌لرین تبیین ائله‌ماغینان,
بو موباریزه‌نین فایدالارینی مسئوللار آراسیندا وحدت و دایانمادان چالیشمالاری و
آللاها توکّول ائله‌ماقلاری بیلدی و تأکید بویوردولار: مسئوللار مخصوصاً اوچ قوّه‌نین
باشلاری گرک اؤز وظیفه‌لرین تانیماقلا و ایندیکی حساس شراییطی درک ائله‌ماقلا,
ایختیلافلاری جماعت ایچینه چکماقدان چکینه‌لر و بیله‌لر کی بو گوندن اینتیخابات
گونونه‌جن هر کس جماعتین احساساتینی ایختیلاف جهتینده ایشله‌ده قطعاً اؤلکه‌یه
خیانت ائدیب.
حضرت آیت الله خامنه ای
بیرلیق و ایتحادی چوخ موهوم ساییب و تأکید ائله‌دیلر: ضررلی موریدلرین بیری,
مسئوللار آراسینداکی ایختیلافدیر و اوندان داها پیس بو ایختیلافی جماعت ایچینه
چکماقدیر.
اونلار بویوردولار: من
مسئوللار و قوّه‌لرین رئیسلرینه هوشدار وئریرم کی موغابات اولسونلار و
ایختیلافلاری جماعت ایچینه چکمه‌سینلر.
حضرت آیت الله خامنه ای
بونا تأکید ائله‌ماغینان کی رهبرلیق مقامی قوّه‌لری رئیسلریندن حیمایت ائدیب و
ائده‌جاق, دئدیلر: سون گونلرده نامه یازماقلار و اونلارین موضوعسی اصلاً اهمیتلی
موضوع دئییل, آما بو ایختیلافلار جماعت ایچینه چکیلمه‌مه‌لیدیر و بیگانه رسانه‌لر
و دوشمنلر اوچون های‌کوی سالماغا ال یئری اولمامالیدیر.