شرقی آذربایجانین ایسلامی تبلیغات ایداره‌سی‌ عمومی رابیطه‌لری‌نین وئردیغی خبره گؤره, بو ایداره‌نین دینی تشکیلاتلارا یئتیشن قیسمتی‌ طرفیندن بو شهریستانین مذهبی شاعیرلری تانینیب بیر جلسه‌ده شبستر شهریستانین اهل بیت (ع) شاعیرلری انجومنی‌نین اینتیخاباتی برگوزار اولدو. بو جلسه‌ده شبسترین ایمام جومعه‌سی حجت الاسلام محمدزاده, مذهبی شاعیرلرین انجومنی‌نین تشکیل تاپما هدفلرینه ایشاره ائدیب دئدی: ناب محمدی (ع) ایسلام و اهل بیتین (ع) فضاییلین ترویجی و قاباقکی شاعیرلرین شعرلریندن ایستیفاده ائله‌ماق اوچون اهل بیت (ع) شاعیرلر انجومنی تشکیل تاپیر. او بونا ایشاره ائله‌ماغینان کی بو تشکیلات ایسلامی تبلیغات سازمانینا باغلیدیر و اؤز خط ‌مشیینی بو نهادین قایدا-قانونلارینن تعیین ائلیه‌جاق, دئدی: مذهبی شاعیرلرین اصلی ریسالتی اهل بیت (ع) معاریفین و حسینی نهضتین ترویجیدیر. او بونو دئماغینان کی شعر هونری‌نین ارزیشلی خصوصیتلری وار, آرتیردی: شعرین موهوم خصوصیتلریندن بیری ایسلامی معاریفی سورعتلی اینتیقال وئرماقدیر کی نئچه کیتاب و صؤحبت جلسه‌سی‌نین ایشینی بیر شعرینن گؤرور.

بو جلسه‌ده اینتیخاباتدان سونرا آغالار محمد حسين مقدسي ، خليل ملا تقي زاده ، قربان بيرامي سيس ، هاشم نظامي و ابراهيم غفاري اصلی اعضا و آغالار علي شکورزاده و مهدي فرشته شندي علی‌البدل اعضا عنوانیندا سئچیلدیلر.