فارسین تبریزدن وئردیگی گوزاریشه گؤره, تراب محمدی تبریزین مُحرّملیق موزه‌سیندن گؤروش ائدنده خبرنیگارلار جمعینده جاری ایلده تعمیر اولموش مسجیدلره ایشاره ائدیب دئدی: اوستانین بوتون تاریخی بینالارین احیاسی ایقدام الینده اولسا دا مذهبی یئرلر و تاریخی مسجیدلرین تعمیری بیرینجی یئرده‌ایدی و بو آرادا آیری دینلر ده یاددان چیخماییب و کلیسالاری‌دا تعمیر ائدیریک.

او شرقی آذربایجان تورپاقلاری‌نین تاریخینه ایشاره ائدیب آرتیردی: باستانشیناسلیق تحقیقلر گؤرسه‌دیر کی شرقی آذربایجاندا 7500 ایل قاباقدان تمدّون آثاری وار و بعضی نظرلره گؤره قورآندا ایشاره اولان «راس» قومو آراز چایینا و اوردا یاشایان قوملارا ایشاره ائدیر.

محمدی آرتیردی: بو تاریخی قیدمت چوخلی تاریخی اثرلره شامیل اولور کی  بو آرادا اوستاندا 200 –دن چوخ تاریخی مسجید وار و اثرلرین هامیسی ایندیه‌جن تعمیر اولوب و یا تعمیر حالیندادیلار.

شرقی آذربایجانین فرهنگی میراث, ال ایشلری و توریزمین مودیر کولّی, بونو دئماغینان کی اوستانداکی تاریخی مسجیدلرین قیدمتلری سلجوقلار, ایلخانلیلار و قاجارلار عصرینه قاییدیر, دئدی: اوستانداکی قدیم مسجیدلرده مخصوص عظمت وار و معمارلیقلارینا گؤره اونلاردا معنویّت روحی جریاندادیر و بیز گرک بو میراثی ساخلایاق.

او مسجیدلرده‌کی طاقلار, گونبذلر و اونلارین مخصوص رنگلرین, مسجیدلرده بیر رنگلیق و وحدته باعیث اولماقلارینی بیلیب دئدی: شهریستانلارین جومعه مسجیدلرین‌ده تعمیر ائله‌ماغی‌نین‌دا مخصوص یئری وار و بو آرادا شبستر, سراب, شرفخانا, اهر, هشتری مسجیدلری تعمیر حالیندادیر.