بو سونتي مراسيم كي بنگکلو ،پاری امان ،آچه و مدان
شهرلرينده قورولدو، هنددن بو يوردا گليب و بويونلوكده بير آز دگيشيب، آما
بؤيوكلرين هاميسي بو مراسيمي كربلا شهيدلرينه احتيرام و وفادارليق نيشانه‌سي
بيليرلر.
بو شهرلرين جماعتي هر ايل عاشورا گونو، كربلا شهركينده
اصليّتي هندلي اولان شیخ برهان الدینين مقبره‌سينده، حاضير اولوب، كربلا شهيدلري‌نين
يادينا دوزه‌ليب محرمين اوّل اون گونونده دسته صورتينده دولانديرديقلاري
تابوتلاري، بير سونتي مراسيم ضيمنينده سويا آتارلار.
بنگكلو اوستانداري‌نين دعوتي‌اينن سفير، فرهنگي موشاوير و
اعزام اولان تعزيه گروهي، جمهوري ايسلامي ايران طرفيندن بو شهره واريد اولدولار و
بير مراسيمده كي اوستان جماعتي‌نين اون مينلرجه نفرينين حضوري و اوستانين يوخاري
مقاملاري‌نين حضوري‌اينن قورولموشدو، شيركت ائله‌ديلر.
اؤلكه‌ميزين تعزيه مراسيمي نوماييش گروهي طرفيندن حضرت عباس
(ع ) و حر ریاحی تعزيه‌لرين ايجراسي مراسيمه خاص جيلوه وئردي.
ايراندان اعزام اولان بو تعزيه گروهي بو مراسيمدن علاوه
نئچه دانيشگاهي و فرهنگي مركزده ده مراسيم ايجرا ائله‌دي.
بنگكلو اوستاني تيلويزيونو و نئچه محلي روزنامه بو اوستاندا
تعزيه مراسيميني مونعكيس ائله‌ديلر.