بو جونبئشين بيرينجي موشابهي كئچن
هفته كانادادا اوز وئردي. ايندي ده انگلستاندا موعتريض گوروهلار وال‌استيريت
جونبئشيندن ايلهام آلماغينان، اؤزلرين لندن بورسونون قاباغيندا «لندنين ايشغالي»
شوعاري‌اينن حاضيرليرلار.
ديلي‌ميل روزنامه‌سي بونون اعلام ائله‌ماغينان
يازدي: انگليس دؤلتي‌اينن موخاليف اولان بير گوروه فئيس‌بوك صفحه‌سينده لندن
بورسونون قاباغيندا اعتيراض ايسته‌ييب و اينديه‌جن 3 مين نفردن چوخ آماده‌ليق
اعلام ائديبلر.
بو گوروه نئچه مودّت قاباق
تظاهوراتينان « وست‌مینستر» كؤرپوسونده گئت-گلي موختل ائله‌ميشدي. ايندي بو گوروه
اؤز چاغريشيندا دئييب كي بو جهاني اعتيراضين بير تيكه‌سيدير.
موعترضلرين پياملاريندا گليب: بيز گون
به گون گوجله‌نيريك. بيز موتحيد قاليب بير بيريميزين نظرلرينه احتيرام قويوروق.
بيز بين‌الميللي مردمي جونبئشين بير تيكه‌سي‌يوق. بيز يوزده 99 –وق.
آمريكاداكي وال‌استيريت جونبئشين
سايتي اعلام ائديب كي دونيادا نئچه آيري اؤلكه‌لردن موختليف گوروهلار اؤز
بيرليقلارين اعلام ائديبلر و اوخشار اعتيراضلار باش توتاجاق. ديني رهبرلر
مسجيدلردن، كيليسالاردان و منيسه‌لردن اؤز حيمايتلرين بو جونبئشدن اعلام ائديبلر و
حتي اؤزلرين بو جونبئشين بير تيكه‌سي بيليبلر. «ميكاييل اليك»، «جودسون مموريال»
كيليساسي‌نين كشيشي بو باره‌ده خبرنيگارلارا دئدي: ايقتيصادي عدالت تحقّوق
تاپمايينجا آيري عدالت ايمكانسيزدير.
بو جونبئشين ديني شخصيتلر اعتيراضلاري‌نين
دؤردونجو هفته‌سي بازداشتسيز سووشدو. كشيش استفان رالف دئييركي بو جونبئش اونا چوخ
اثر قويوب. او دئدي: بو بيزيم بيرليغيميزين تجلّي‌سيدير كي كيليسانين حيمايتي‌اينن
موختليف شهرلره چاتيب.