موعظم له هابئله آرتيردي: بو بير حالدادير كي موعظم رهبري
مقامي بويوروبلار «من جمعيتين كونترول و آزالتماسينا اعتيقاديم يوخدور و منيم
اعتيقاديما بيزيم اؤلكه‌ميز 150 ميليون نفره‌جن خدمات وئره بيلر».
اونلار بويوردولار: جمعيتين چوخالماسي مسئول‌لارين ميلّي و
شرعي وظيفه‌لريدير و گركمز بو موضوع‌يا آز توجّه اولونا.
* «خاتون» ويژه نامه‌سي هاميني‌نين اورگين آغريتدي
آيت الله العظمي سبحاني ايدامه‌ده بونا تأكيد ائله‌مگينن كي
«خاتون» ويژه‌نامه‌سي و اوندا حيجابين سوآل آلتينا گئتمه‌سي هامي‌نين اورگين
آغريتدي، بويوردو: بير حالداكي طلبه‌لرين بعضيسي‌نين معيشتلري موناسيب دئييل نيه
گرك بير عيدّه بئيت‌المالين پولو اينن بوجور نشريه چيخاردالار؟!
اونلار هابئله تصريح ائله‌ديلر كي: روحانيّتين اينتيظاري
واريدي بو مسأله‌اينن تئز و جيدّي برخورد اولسون، نه اينكي ايشي او قدر اوزالدالار
كي ياواش ياواش ياددان چيخا.
بو تقليد مرجعي ايرشاد وزيرينه خيطاب بويوردو: سيز گرك
جورمونن برخورد ائله‌مكده جيدّي اولاسيز؛ البته بيليرم كي سيز بو ايشه يئتيشميسيز،
آما بونو بيلين كي بو ايش اوزانسا طبعاً لازيم اولان اثري اولماياجاق.
اونلار دانيشيقلاري‌نين آيري بخشينده اؤلكه‌ده ويلايت ايلي
كيتابي‌نين رونق تاپماسيندا جيدّي عزمين اولماسينا ايشاره ائله‌ييب، بويوردولار:
تكجه اؤلكه كي اوندا « عليً ولي الله» نيداسي كاميل صورتده سسلنير، ايسلامي
ايراندير و بيز گرك ويلايت كيتابي‌نين نشري و ياييلماسي و بئله كيتابلارين دونيادا
داغيلماسي‌اينن اهل بئيت(ع) مكتبينه خيدمت ائدك.
موظم له هابئله اؤلكه‌ده قورآن فرهنگي‌نين ترويجي و قورآن
حافيظلري‌نين پروريش تاپماسي‌نين لوزومونا تأكيد ائله‌مگينن، بويوردولار: تجروبه
ثابيت ائله‌ييب كي قورآنينان اونس تاپانلار آزراق گوناها طرف گئديرلر و بو، جاميعه‌نين
منفعتينه‌دير.
آيت الله العظمي سبحاني ايدامه‌ده ايرشاد ويزارتي‌نين
قورآني ايشلريندن تقدير ائله‌مگينن، اؤلكه‌ده قورآن مدرسه‌لرين قورولماسيني ايسته‌ييب
و آرتيرديلار: 7 ميليون جمعيتي اولان ليبي اؤلكه‌سي‌نين بير ميليون قورآن حافيظي
اولان يئرده گرك بيزيم اؤلكه‌ده 7 ميليون قورآن حافيظي اولا.
اونلار هابئله بين‌الميللي كيتاب سرگيسي‌نين ايش گؤرنلريندن
تقدير ائديب، بويوردولار: بوندان كي همكارلاريز ضررلي و ضالّه كيتابلارين سرگي‌يه
گلمه‌سي‌نين قاباغيني آلديلار سيزدن تشكّور ائليرم و انشاءالله گلن ايللر ده بو
ياخجي گئديشي حيفظ ائليه‌سيز.
موعظم له سؤزلري‌نين
آخيرينده بونا تأكيد ائله‌مگينن كي بيزيم ايمام ريضا(ع)-اينان قونشو اولماق
ايفتيخاريميز وار، بويوردولار: معنا عالمينده، ايمام رضا (ع)-ين ووجودي، بو
ايسلامي اؤلكه‌نين و اهل بئيت محبّتي‌نين حافيظيدير.